Тэнгэрт тэмүүлж, газарт гагнагдсан Их бүтээн байгуулагч
“Жигүүр Гранд Групп” нь Монгол Улсын хувийн хэвшлийн тэргүүлэгч ууган компаниудын нэг юм. Тус групп нь Монгол улсад ардчилал, чөлөөт зах зээлийн нийгэм үүсэх салхи сэвэлзэж байсан тэртээх 1989 онд хувийн жижиг үйлдвэрлэл, худалдаа, барилгын засал чимэглэлийн чиглэлээр ажиллаж эхэлснээр үүсэн байгуулагдсан түүхтэй.
Өнгөрсөн 30 жилийн хугацаанд Жигүүр Грандчууд тасралтгүй өргөжин тэлж, эдүгээ барилга угсралт, үл хөдлөх хөрөнгө, эрүүл мэнд, уул уурхай, энтертайнмент, худалдаа, хоол үйлдвэрлэл үйлчилгээ, аялал жуулчлал, амралт сувиллын чиглэлээр нийт 14 салбар компанитайгаар үйл ажилллагаагаа амжилттай явуулж байна.
Өнгөрсөн хугацаанд манай хамт олон Монголын барилгын салбарт тэргүүлэгч байж, Үндэсний шилдэг хөрөнгө оруулагч, Топ 100 Аж Ахуйн Нэгжийн нэгээр удаа дараа шалгарч, 2018 оны Ази тивийн “Шилдэг бүтээн байгуулагч” компаниудын нэгээр өргөмжлөгдлөө. Мөн “Грандмед” эмнэлэг нь Европын Чанарын Стандартын Судалгааны Холбооноос “2018 оны Чанарын Манлайллын Дээд Шагнал”-ыг тус тус хүртээд байна.
Ийнхүү Жигүүр Гранд Группийн хамт олон салбар бүртээ амжилтаар жигүүрлэж, Монгол чанарыг дэлхийд таниулан аз жаргалыг бүтээхийн төлөө итгэл төгс бүтээн байгуулсаар байна.