“Барилга МН” ХХК нь барилгын салбарын цогц мэдээ, мэдээллийг түргэн, шуурхай хүргэх, бизнес эрхлэгчдийн хамтын ажиллагааг дэмжих, худалдаа арилжааг нь идэвхжүүлэх зорилгоор 2007 онд байгуулагдан өнөөг хүртэл үйл ажиллагаагаа тасралтгүй өргөжүүлэн хөгжүүлсээр ирсэн. Байгууллагын үйл ажиллагааны чиглэл 1. Barilga.mn платформ 2. “Барилга МН” сэтгүүл 3. “Barilga expo” хавар болон намрын үзэсгэлэн яармаг 5. Олон нийтийн үйл ажиллагаа 6. Барилгачин худалдааны төв www.barilga.mn платформ: Барилгын салбарын анхдагч мэдээллийн вэб платформ нь www.barilga.mn нь салбарын бүхий л талын цогц мэдээ, мэдээллийг онлайн орчинд олон нийтэд түгээх, аж ахуйн нэгж, байгууллагуудын бараа бутээгдэхүүн, үйлчилгээг сурталчлан, таниулж хэрэглэгч, үйчлүүлэгчдэд ойртуулах, шинэ дэвшилтэт техник, технологийг байгууллага, аж ахуйн нэгжүүдэд танилцуулж, нутагшуулах үйл ажиллагааг дэмжин ажилладаг. Мөн барилга, орон сууцны үнэ ханш, зах зээлийн судалгааг сар бүр шинэчлэн хүргэхийн зэрэгцээ салбарын бизнес эрхлэгчдэд зах зээлд хэрхэн хялбар нэвтрэх арга зам, борлуулалтаа нэмэгдүүлэх бодит судалгаа бүхий зөвлөгөө мэдээллийг тогтмол хүргэдэг. Өдгөө бүртгэлтэй 120 000 хэрэглэгч, Барилга угсралт болон барилгын материалын 1500 гаруй гишүүн байгууллагатай хамтран ажилладаг. Өдөр бүр бүртгэлтэй 50.000 орчим хэрэглэгч, бүртгэлгүй 5000-6000 орчин иргэн манай вэб сайтаар зочилж хэрэгцээт мэдээ, мэдээллээ олж авдаг. Бид цаг үеийн хөгжил дэвшилтэйгээ хөл нийлүүлэн алхахын тулд вэб сайтын шинэчлэлийг стратеги төлөвлөгөөнийхөө дагуу тасралтгүйгээр сайжруулан ажиллаж, 2021 онд 5 удаагийн шинэчлэлтээ хийж, өндөр түвшинд ажиллах болсон байна. “Барилга МН” сэтгүүл Монголын барилгын салбарын анхдагч бөгөөд сар тутам хэвлэгдэн гардаг "Барилга.МН" сэтгүүл нь барилга, орон сууцны мэдээ, мэдээллийг олон нийтэд түгээхийн зэрэгцээ мэргэжлийн байгууллагуудын дуу хоолой болох зорилгоор 2010 оны гуравдугаар сараас үйл ажиллагаагаа явуулж эхэлсэн. Өөрийн гэсэн нийтлэлийн бодлого, баримтлах зарчим, чиг шугамын дагуу нийтлэл, мэдээллээ бэлтгэж ирсний үр дүнд өнөөдөр байнгын уншигчид, хамтран ажилладаг байгууллага, хэвлэлтийнхээ тоогоор салбартаа тэргүүлэгчдийн нэг болж, сар тутамд 2500-3000 хувь хэвлэгдэн Монгол Улсын хэмжээнд шуудангийн бүх салбар, сонин борлуулах цэг, супермаркет, номын дэлгүүрүүдээр дамжин уншигчдын гар дээр түгээгдэн очдог. Барилгын салбарын “Barilga expo” олон улсын үзэсгэлэн яармаг 2007 оноос хойш тасралтгүй жил бүрийн хавар, намар “Barilga expo” олон улсын үзэсгэлэн яармагийг зохион байгуулсаар ирсэн. Энэхүү үзэсгэлэн яармаг нь барилгын салбарынхан буюу ханган нийлүүлэгч, үл хөдлөх хөрөнгийн төсөл хэрэгжүүлэгч, орон сууц борлуулагч, барилгын материалын худалдаа эрхлэгчид, дэвшилтэт техник технологи нэвтрүүлэгч, интерьер дизайн, зураг төсөл, архитектур, амины орон сууц барьдаг байгууллага, аж ахуйн нэгжүүдийнхээ хийж, хэрэгжүүлсэн ажлыг хэрэглэгчид, зорилтот худалдан авагчдад танилцуулж, холбох гүүр нь болдгоороо онцлогтой. Цаашилбал, оролцогч байгууллага, аж ахуйн нэгжүүдээ зорилтот зах зээлд үйлчилгээгээ сурталчлан худалдан авагчидтай нүүр тулан уулзаж, хэрэглэгчийн санал бодлыг сонсож судалгаа авах, бизнесийн хамтын ажиллагаа, хүрээгээ өргөжүүлэх гээд олон боломжийг олгодог. “Шилдэг 100 амины орон сууц”, “Интерьер дизайн” каталоги, барилга, үл хөдлөх хөрөнгийн судалгааны тайлан: “Барилга МН” ХХК-аас салбарын болон иргэдийн эрэлт хэрэгцээнд тулгуурлан Эзэмшил газраа амины орон сууцаа барихаар төлөвлөсөн хүн бүрт хэрэгтэй бүхий л мэдээллийг нэгэн дор багтаасан “Амины орон сууцны шилдэг 100 загвар” каталоги, эдийн засаг, барилгын салбарын бодлого, тулгамдсан асуудлыг шийдвэрлэх боломж, цаашдын хандлагын тухай судалгааны ажлын тайлан, нэгдсэн дүгнэлт, ярилцлагуудыг хүргэдэг судалгааны тайлан, салбарынхан болон иргэдэд гэр орон, албан байгууллагаа тохижуулахад санаа, сэдэл, түлхэц болсон “Интерьер дизайн” каталогийг тодорхой давтамж, хугацаатайгаар уншигч, хэрэглэгчдэд тогтмол хүргэсээр ирсэн. Барилгын салбарынхныг хамруулсан уламжлал болсон олон нийтийн арга хэмжээ, үйл ажиллагаа: Барилга МН нь барилгын салбарынхыг хамруулсан уламжлал болсон олон нийтийн арга хэмжээ, үйл ажиллагааг тогтмол зохион байгуулсаар ирсэн. Үүнд: - Барилгын салбарын ханган нийлүүлэгчдийн чуулга уулзалт - Барилгын хөрөнгө оруулагчдын уулзалт - Чөлөөт уулзалтууд /салбарын тулгамдсан асуудлуудаар/ - Семинар /салбарын төрийн болон ТББ - уудтай хамтран зохион байгуулдаг/ - Сагсан бөмбөг болон биллъярдны тэмцээн Энэхүү арга хэмжээнүүдэд салбарын 100 гаруй томоохон аж ахуй нэгж, компаниуд тогтмол оролцож, хамтран ажилласаар ирсэн.