Манай компани 2001 оны 11-р сард байгуулагдсан бөгөөд үндсэн үйл ажиллагаа нь бүх төрлийн барилга байгууламжийн зураг төсөл боловсруулах, түүний дагуу барилга барих, засварлах, хүчитгэх, бэхлэх зэрэг ажлыг гүйцэтгэсээр ирсэн.
АКСИОМконстракшн" ХХК бие даан барилга барих, зураг төсөл боловсруулах бүтэцтэйгээр үйл ажиллагаа эрхлэн явуулж зохих эрхээ авсан.
Компани шинэ барилга барих, засварын ажил хийхээс гадна ноцтой эвдрэлд орсон барилга байгууламжийг хүчитгэж бэхлэх ажилд туршлагажиж байна. Тухайлбал Төрийн өмчийн Y байр, Ховдын зэвсэгт хүчний 123-р ангийн 40 айлын сууцны барилгуудын эвдрэлийн зургийг хийж, бэхэлгээ хүчитгэлийг өөрсдөө газар дээр нь гүйцэтгэсэн юм. Инженер, архитекторуудын мэргэжил мэдлэгийг дээшлүүлэх талаар анхаарч жил бүр 2-3 хүнийг зураг төсөв зохиох, түүнийг автоматжуулах, зэрэг дэвээ ахиулах, хамгаалах, мэргэжил дээшлүүлэх чиглэлээр Дэд бүтцийн мэргэжил дээшлүүлэх институт болон гадаадын курсуудэд тогтмол суралцуулж байна. Тус компанид туршлагатай болон залуу архитекторууд, Монгол улсын зөвлөх, тэргүүлэх зэрэгтэй инженерүүд, техникийн шинжлэх ухааны докторууд зэрэг мэргэжлийн өндөр ур чадвартай хүмүүс ажилладаг юм.
Манай компани захиалагчийн санал хүсэлтийг өөрсдийн зураг төсөл зохиох боломжтой нягт хослуулан ажиллаж ирсний үр дүнд зураг төсөл боловсруулах ажил тасралтгүй явагдаж, ахиц гарсаар байна. Сүүлийн гурван жилд орон сууц, олон нийт, үйлдвэр үйлчилгээ, хөдөө аж ахуй, түүх соёлын гэх мэт 120 гаруй барилгын зураг төсөл боловсруулан гаргасны ихэнх нь баригдсан болно. Тус компани сүүлийн 2 жилд, БСШУЯ; Тээврийг удирдах газар, Алтанбулагийн чөлөөт бүс, Орхон аймгийн засаг даргын тамгын газар зэрэг газруудаас зарласан 9 тендэрт шалгарсан. Мөн орчин үеийн дэвшилтэд технологийг ашигласан дулаан хэмнэх зориулалт бүхий ялтсан бойлерыг угсарч байна.
Дотоодынхоос гадна , Солонгос , Хятад , Орос, Германы байгуулллагуудын захиалгатай ажлын зураг төслийг гүйцэтгэсээр ирсэн. Үүний дотор Жанрайсиг шүтээний ган араг бүтээц ( төмөр хүнийг зурж, барьж гүйцэтгэсэн ). Браухаус , Түшиг их дэлгүүр , 9-өөс 13 давхар сууцны барилгууд, Жаргалант сумын тал булаг дахь алтны үндсэн ордын уурхайн цогцолбор ( 43 барилга байгууламжтай ) : Алтанбулагийн чөлөөт бүсийн 42 метрийн өргөн хаалга (Монголд хамгийн том ) Олон улсын оюун ухааны музей (6 давхар ) ТЕГ- ын цогцолбор ( 4-8 давхар 5 барилга туслах барилгуудын хамт) г.м барилга байгууламжуудыг дурдаж болно.
Манай компанийн үйл ажиллагаа:
- Барилгын иж бүрэн зураг төсөл
- Барилга угсралт, уран барилга
- Баримал, интерьер , экстерьер дизайн
- Зөвөлгөө, гүйцэтгэл
