Өү Ти Инженеринг Солюшнс ХХК

Өү Ти Инженеринг Солюшнс ХХК нь 2021 оны 4-р сард барилгын угсралт, бүтээн байгуулалтын ажил, цахилгаан, дулаан, холбооны шугам сүлжээний бүтээн байгуулалт, өргөтгөл, барилгын засал чимэглэл, засвар үйлчилгээний ажил, үйлчилгээ үзүүлэхээр үүсгэн байгуулагдсан. Тус компани нь өнөөдрийн байдлаар нийт 10 ажилтантайгаар үйл ажиллагаа явуулж буй бөгөөд үүнээс инженер, техник, хөдөлмөрийн аюулгүй байдлын чиглэлээр мэргэшсэн 8 ажилтан ажиллаж байна. Ковид-19 цар тахлын улмаас эдийн засгийн хүндрэл, сөрөг нөлөө бий болсон энэхүү цаг үед барилгын эрчим хүчний болон зардлын хэмнэлттэй шийдэл, технологийг Монгол улсын барилгын салбарт нэвтрүүлэх, барилгын чанар, стандартыг онцгой анхааран ажиллаж, чанартай бүтээн байгуулалтыг бий болгохоор үндсэн зорилготойгоор үйл ажиллагаа явуулж байна. Бид нийт ажилчдаа холбогдох барилгын норм, стандарт, дүрэм, журам, шаардлагын дагуу хөдөлмөр хамгаалал, мэргэжил дээшлүүлэх сургалтуудад хамруулах болон салбартаа тэргүүлэгч бусад компаниудаас туршлага судлах, туршлага солилцох байдлаар тогтмол хөгжүүлэхэд онцгой анхаарч буй бөгөөд барилгын салбарын ажилтнуудын мэргэжлийн мэдлэг, туршлага, мэргэшсэн байдалд өөрийн хувь нэмрээ оруулахаар төлөвлөн ажиллаж байна.