Үндэсний бүтээн байгуулагч - ЭКО Констракшн ХХК
“Эко констракшн” ХХК нь 2002 онд байгуулагдсан бөгөөд өнөөг хүртэл барилгын салбарт тасралтгүй үйл ажиллагаагаа явуулж Монгол улсын эдийн засаг, барилга угсралт, бүтээн байгуулалтын хөгжилд бодитой хувь нэмрээ оруулан ажиллаж байна. Манай компани нь жилийн 4 улирлын турш ажлын байраар тогтвортой хангах бодлого явуулж, 700 гаруй монгол ажиллагсад, 500 гаруй туслан гүйцэтгэх иргэд, аж ахуй нэгжтэй хамтран үйл ажиллагаагаа явуулж байгаа ба 50 гаруй мэргэшсэн инженер техникийн ажилтан, 400 гаруй барилгын мэргэшсэн ажилтан, сантехник, холбоо, цахилгаан гэх мэт төрөл бүрийн мэргэжлийн зөвлөх болон тэргүүлэх зэргийн инженерүүдээс бүрдсэн 25 алба хэсэг, ажиллах хүчний суурь бааз дээр түшиглэн үйл ажиллагаагаа явуулж байна.
Үндэсний бүтээн байгуулагч манай хамт олон нийслэл хотынхоо оршин суугчдын амьдралын чанарыг сайжруулахад хөлс хүчээ зориулж, нийт 18000 орчим айлын орон сууцыг барьж хүлээлгэн өгсөн ба өдгөө ч “Deluxe Marshall village” хотхоны KING TOWER Apartment зэрэг бүтээн байгуулалтын үйл ажиллагаа үргэлжлэн явагдсаар байна.
Бага дунд орлоготой иргэдэд зориулсан хямд үнэтэй орон сууцны барилга, хотхоныг бүтээн байгуулсан нь иргэдийн худалдан авах чадварт нийцсэний зэрэгцээ нийгмийн өмнө тулгамдаж буй томоохон асуудал болох агаар, хөрсний бохирдлыг бууруулахад томоохон хувь нэмэр оруулсан билээ.
Эко констракшн ХХК нь улсын төсөвт оруулсан татвар, нийгмийн даатгал төлсөн ажиллагсдын тоо зэрэг үзүүлэлтээрээ Монгол улсын ТОП-100 ААН-ийн нэгээр сүүлийн 6 жил дарааллан шалгарч байгаа ба жилээс жилд улсын эдийн засагт оруулах хувь нэмрээ нэмэгдүүлсээр байна.