Манай компани нь 2007 онд байгуулагдан үйл ажиллагаагаа явуулж эхэлсэнээс хойш 5 дахь жилдээ барилгын салбарт үр бүтээлтэй ажиллаж ирлээ. Өнгөрсөн хугацаанд 8 барилга байгууламжийг иж бүрнээр барьж, 20 орчим барилгын засал чимэглэл, барилга угсралт, цахилгаан сантехникийн угсралтын ажлыг хийж гүйцэтгэсэн.
Үндсэн 100 гаруй мэргэжлийн ажилчид, 15 гаруй мэргэшсэн инженер техникийн ажилтантай. Гэрээтээр нийт 1000 – 1500 хүнийг ажлын байраар хангаж байна. Компани нь ажилтны нийгмийн цогц асуудлын нэг болох хөдөлмөрийн тааламжит нөхцлийг бүрдүүлэх, ажилчдын орон сууц хангамжийг нэмэгдүүлэх, эрүүл мэнд эмнэлгийн үйлчилгээнд хамруулах, ажлын хувцас хамгаалах хэрэгсэл зэргээр хангах, мэргэжил дээшлүүлэх сургалтанд хамруулах зэрэг асуудлыг төлөвлөлт, үе шаттайгаар авч хэрэгжүүлж байна.
Хэрэглэгчидтэй байнгын харилцаатай байж, тэдний эрэлт хэрэгцээний өөрчлөлтийг мэдэрч, чанарын удирдлагын тогтолцоо, ажлын үйл явц, зохион байгуулалт, техник, технологи, ажилтны хариуцлага, мэдлэг чадварыг тасралтгүй шинэчлэснээр хэрэглэгчиддээ санаснаас нь илүү сэтгэл ханамжийн үр дүнд өнөөдөр бид орон сууцаа төлөвлөсөн цаг хугацаанд нь чанартай ашиглалтанд өгч чадаж байна. Хүн болж мэндэлсний дараа эхийн хэвлийг орлож байдаг орон байрыг хүний биед харш нөлөөгүй, олон улсын шаардлагад нийцсэн, барилга үйлдвэрлэлийнхээ чанарыг дээшлүүлж, оршин суугчдынхаа хэрэглээ, ажиллаж амьдрах тохилог орчинг тэргүүн зэрэгт анхааран орчин үеийн дэвшилтэт технологи, шинэлэг дизайнаар орчин, цаг уурын онцлогт уялдуулан барилгыг барьж байна.
Бид чанарыг эрхэмлэж, хэрэглэгчид үйлчлүүлэгчдээ чанартай дулаан орон сууцаар хангахын төлөө ажиллахын зэрэгцээ өөрийн компанид олон жил ажилласан туршлагатай ажилчдыг жил бүр орон сууцаар урамшуулан, цаашид идэвхтэй ажиллах урам зоригийг өгч, нэгдмэл баг бүрдүүлсэн нь бидний амжилттай ажиллах нэг хэсэг билээ.
2008-2011 оны хооронд иж бүрэн ашиглалтанд оруулсан барилгууд:
- Баянгол дүүрэг, 7-р хороо гэмтлийн эмнэлэгийн зүүн талд 125 айлын орон сууц;
- Сонгинохайрхан дүүрэг, 18-р хороо Москва хороололд 76 айлын орон сууц;
- Баянгол дүүргийн 18-р хороонд 20 айлын орон сууц, нийтийн үйлчилгээний төв;
- БГД 15-р хорооны хороо цагдаа, өрхийн эмнэлгийн цогцолбор барилга
- БГД 20-р хороо 330 айлын орон сууцны цогцолбор барилга
- БГД-ийн 8-р хорооны нутаг дэвсгэрт 30 айлын орон сууцны барилгыг улсын комисст хүлээлгэн өгөөд байна.
2012 оны 01-р улиралд ашиглалтанд орсон барилгууд:
- БГД-ийн 8-р хорооны нутаг дэвсгэрт 59 айлын орон сууц, үйлчилгээний 12 давхар бүхий цогцолбор барилга
- СХД –ийн 29-р хорооны нутаг дэвсгэрт 16 давхар бүрэн цутгамал 303 айлын орон сууц, 4н давхар үйлчилгээний төвийн барилга