ЭРХЭМ ЗОРИЛГО
Нарийвчилсан судалгаа, дүгнэлт болон хувилбарт төлөвлөлтөд үндэслэн, тухайн төслийн онцлог, нийгмийн хөгжлийн шаардлага, захиалагчийн эрэлт, хэрэгцээ сонирхолд нийцсэн байгаль орчинд ээлтэй, орчин үеийн чиг хандлага, техник, технологийн шинэлэг шийдэл бүхий чанартай зураг төслийг боловсруулан бүтээн байгуулалт хөгжил дэвшилд бодит хувь нэмрээ оруулах
ҮНЭТ ЗҮЙЛ
Мэргэшсэн чадварлаг, санаачлагч, багийн сэтгэлгээ, ёс зүйтэй ажилтан болон мэргэжлийн ур чадвар, хариуцлагатай нягт байдал, захиалагч, үйлчлүүлэгчийн сэтгэл ханамж, үр ашигтай хамтын ажиллагаа, бодит үр дүн, өндөр чанар “ЭН ЭЙ ПИ ГРУПП”-ын үнэт зүйл байх болно.
ТҮҮХ
“ЭН ЭЙ ПИ ГРУПП” хот төлөвлөлт, барилгын зураг төслийн салбарт 5-38 жил хүртэл ажиллаж байгаа дадлага туршлага бүхий зөвлөх болон мэргэшсэн инженерүүд, архитекторууд, төрөл мэргэжлийн инженерүүдээс бүрдсэн бөгөөд 2007 оноос шинэ бүтэц, зохион байгуулалтаар үйл ажиллагаагаа явуулж байна.
Шинэ бүтцэд шилжин, тусгай зөвшөөрөл болон байгууллагын нэрээ шинэчлэв.
Барилгын зураг төсөл зохиогчдын холбооны гишүүнээр элсэв.
Турк улсын Засгийн газрын хөрөнгө оруулалтаар Монгол-Туркын найрамдлын цэцэрлэгт хүрээлэнгийн зураг төслийн уралдаанд шалгаран зураг төсөл боловсруулах эрхийг авав.
2010 Өөрийн өмчлөлийн ажлын байр буюу оффистой болов.
2011 Бүтээгдэхүүн үйлчилгээний төрлийг нэмэн халаалт салхивч, цэвэр бохир ус, хүчит төхөөрөмжийн зураг төсөл боловсруулах тусгай зөвшөөрлийг авав.
2012 Тусгай шаардлага бүхий өндөр барилгын төслүүд дээр гадаадын эрх бүхий байгууллагуудтай туршлага солилцож хамтран ажиллаж эхлэв.
2012 Хот төлөвлөлт, барилгын зураг төсөл боловсруулах үйл ажиллагаандаа Олон улсын “Чанарын удирдлагын тогтолцоо”-ны ISO 9001:2008/MNS ISO 9001:2010 стандартыг нэвтрүүлэн хэрэгжүүлж эхлэв.
2012 26 давхар Үйлчилгээ, оффисын барилгын тухайлсан объектын тусгай зөвшөөрөл авав.
2013 Вьетнам улсын эрх бүхий зураг төслийн байгууллага “Аркетайп” групптэй танилцаж туршлага солилцов.
2013 Вьетнам улсын эрх бүхий зураг төслийн байгууллага “Аркетайп” групптэй 3 жилийн хугацаатай хамтран ажиллах гэрээ байгуулав.
2013 Барилгын бүтээц тооцооны "Лира" программ худалдан авч албан ёсны ашиглагч, эзэмшигч болов.
2013 Англи улсын эрх бүхий зураг төслийн байгууллага “Aedas” групптэй танилцаж туршлага солилцов.
2013 Барилгын инженерүүдийн холбооны гишүүнээр элсэв.
2013 Барилга, хот байгуулалтын яамны 2013 оны Барилга, хот байгуулалтын салбарын "Шилдэг зураг төслийн байгууллаг"-аар шалгарав
2014 18 давхар Үйлчилгээтэй, орон сууцны барилгын тухайлсан объектын тусгай зөвшөөрөл авав.
2014 “СТАНДАРТЧИЛАЛ, ХЭМЖИЛЗҮЙН ГАЗАР”-аас албан ёсоор “Чанарын удирдлагын тогтолцоо” ISO 9001:2008/MNS ISO 9001:2010 стандартын шаардлагын дагуу нэвтрүүлснийг баталгаажуулсан гэрчилгээгээ гардан авав.
2014 “МУИС-ийн Е-Номын сан, хичээлийн IV-р байрны өргөтгөл”-ийн барилгын уралдаанд шалгаран зураг төслийг боловсруулах эрхийг авав.
2014 Дэлхийд тэргүүлэх зураг төслийн групп болох Япон улсын "НИККЕН СЕККЕЙ" групптэй танилцаж туршлага солилцов.
2014 Барилга, хот байгуулалтын яамны 2014 оны Барилга, хот байгуулалтын салбарын "Шилдэг зураг төслийн байгууллаг"-аар шалгарав
2015 “СТАНДАРТЧИЛАЛ, ХЭМЖИЛЗҮЙН ГАЗАР” - ын Магадлан үнэлгээний аудит хийгдэн “Чанарын удирдлагын тогтолцоо”-г стандартын шаардлагын дагуу нэвтрүүлснийг дахин баталгаажуулав.
2015 Нийгмийн хариуцлагын хүрээнд "ЭН ЭЙ ПИ ГРУПП"-ын ажилтнууд, тэдний гэр бүл, амьдрах орчин нөхцөлийг дэмжих "ЭН ЭЙ ПИ ГРУПП"-ын Орон сууцны хөтөлбөр” төслийг хэрэгжүүлж эхлэв.
2016 Хот байгуулалтын V-р форумд Монгол улсад анх удаа хэрэгжүүлэх гэж буй “Ногоон сургууль” төслийн хүрээнд “Сургуулийн ногоон барилгын төлөвлөлт” сэдвээр илтгэл тавьж хэлэлцүүлэв.
2016 Олон улс буюу Америкийн нэгдсэн улсын Лос-Анжелес хотод анхны зураг төслийн ажлыг гүйцэтгэв.
2016 Захиалагч, хөрөнгө оруулагч талуудтай нягт хамтран ажиллах, сэтгэл ханамжийг дээшлүүлэхээр бүтээгдэхүүн үйлчилгээндээ мэргэжлийн хариуцлагын даатгалын систем нэвтрүүлэв.
2016 Барилга угсралтын үе шатны ажлын явцад зохиогчийн хяналт тавьж буй нийт инженер техникийн ажилтнуудыг гэнэтийн болзошгүй осол, эрсдлийн даатгалаар амь нас, эрүүл мэндийг даатгуулав
2017 2017 оны 06 дугаар сарын 18-ний өдөр "ЭН ЭЙ ПИ ГРУПП"-ын 10 жилийн ой
2017 “ЭН ЭЙ ПИ ГРУПП” Үүсгэн байгуулагдсаны 10 жилийн ойг тохиолдуулан 2017 оны 09 дүгээр сарын 07-ний өдрөөс 09 дүгээр сарын 12-ний өдрүүдэд “10|100 зуун жилийн эхлэл” бүтээлийн үзэсгэлэнгээ толилуулав.
2017 “10|100 зуун жилийн эхлэл” үзэсгэлэнгийн хүрээнд анх удаа Үндсэний архитектурын дурсгалт барилгууд болон орчин үеийн онцлог шийдэл бүхий архитектурын бүтээлүүдийг олон нийтэд танилцуулах, сурталчлах, үнэ цэнийг ойлгуулах, гэрэл зургийн сан хөмрөгтэй болох, сургалт судалгаанд ашиглах зорилгоор “LIGHT FROM THE SHADE” гэрэл зургийн уралдааныг гэрэл зураг сонирхогчдын дунд зохион байгуулан шилдэг оролцогчдодоо шалгаруулав.
2018 Хот төлөвлөлт, барилга, бүтээн байгуулалтад гарч байгаа ололт амжилт, туршлагыг иргэд олон нийт, хэрэглэгчдэд таниулах, оролцогчдын хүрээг өргөжүүлэх, мэдлэг ур чадвараа хөгжүүлэх зорилгоор “ИНТЕЛЛЕКТ ТАУЭР”, “”ТАТАХ ХҮЧ” компаниудтай хамтран 2018 оны 09 дүгээр сарын 06-ний өдрөөс 09 дүгээр сарын 10-ны өдрүүдэд “10|100, #architects” бүтээлийн үзэсгэлэнгээ толилуулав.
2018 “10|100, #architects” үзэсгэлэнгийн хүрээнд уламжлал болгон “LIGHT FROM THE SHADE” гэрэл зургийн уралдааныг “IT ZONE” компанитай хамтран зохион байгуулав.
2019 Япон улсын Токио хотод түр сууцны интерьер, экстерьерийн зураг төслийг гүйцэтгэв.
2019 2019 оны 05 дугаар сарын 29-ны өдөр “СТАНДАРТ ХЭМЖИЛЗҮЙН ГАЗАР”-аас “Чанарын менежментийн тогтолцоо” ISO 9001:2015/ MNS ISO 9001:2016 стандартад шилжин стандартын шаардлагын дагуу нэвтрүүлснийг баталгаажуулсан гэрчилгээгээ албан ёсоор авав.
2019 21 давхар Үйлчилгээ, оффисын барилгын тухайлсан обьектын тусгай зөвшөөрөл авав.
2019 Барилга, хот байгуулалтын яамны 2019 оны Барилга, хот байгуулалтын салбарын “Шилдэг зураг төслийн байгууллага”-аар шалгарав.