“Муза рус” ХХК нь мод, модон эдлэлийн үйлдвэрлэл, худалдааны чиглэлээр үйл ажиллагаа явуулахаар 2016 оны 6 дугаар сард байгуулагдаж, 2023 оны 04 дүгээр сараас бүрэн автомат тоног төхөөрөмж бүхий үйлдвэрийн барилгаа бүрэн ашиглалтад оруулан евро стандартын модон хаалга үйлдвэрлэн дотооддоо нийлүүлж, зах зээлийн эрэлт хэрэгцээг бүрэн хангах, импортын бүтээгдэхүүний нийлүүлэлтийг бууруулах зорилготой ажиллаж байна.
Бид хамгийн сүүлийн үеийн дэвшилтэт технологи бүхий сийлбэрлэх, хавтан зүсвэрлэх, хроп харуулдах, ирмэг хуулга, налешка наах, халуун, хүйтэн пресс, цоожны нүх, нугасны ховил гаргах гэх мэт нийт 23 нэр төрлийн бүрэн автомат тоног төхөөрөмжөөр иж бүрэн тоноглон үйлдвэрлэлээ эхлүүлээд байна.
Бэлэн бүтээгдэхүүнийг будах ажлыг бүрэн автомат тоног төхөөрөмжөөр чанарын өндөр түвшинд богино хугацаанд будах, мөн бүх төрлийн модон материал, тавилгыг грунтэлж, будаж, зүлгүүрдэх ажлуудыг бүрэн автомат технологийг үйлдвэрлэлд нэвтрүүлэн ажиллаж байна.
