Термобайшин технологи - Байшин барих нь тоглохтой адил хялбар болжээ

           Өнөө үед ажил хөдөлмөр эрхэлж байгаа хүн ард мөнгөө хуримтлуулж байгаад орон сууц авахаас гадна өөрийн хүссэн загвараар байшин ч барьж амьдрах боломж нээгдэж байна. Ийм хүмүүст гол уламжлалт түүхий эд нь тоосго болдог. Гэтэл Монгол улс бүхэлдээ газар хөдлөлтийн аюултай бүсэд оршдог гэнэ. Тодруулбал хот суурин газрын 80 хувь, хөдөө орон нутгийн 70 гаруй хувь нь газар хөдлөлтийн идэвхтэй бүсэд оршдог ажээ. Хэрвээ ойрд олшроод байгаа хүчтэй газар хөдлөлт манай улсыг дайрвал тэсч үлдэх нь монолит аргаар цутгасан цутгамал төмөр бетон барилга орон сууцнууд л болж таарна. Иймдээ ч орчин үед илүү хямд зардлаар илүү хурдан хугацаанд, бат бөх, дулаахан байшин барих шинэ технологиуд гарсаар байна. Тэгвэл одоо хямд зардлаар энэхүү шилдэг технологиор баригдсан дулаахан капитал байшинтай болох сайхан боломж нээгдлээ.

Термобайшин технологи

Термобайшин барилга угсралтын цогц шийдэл технологи нь богино хугацаанд хөөсөн полистирол үл авах хэв хашлага ашиглан бетон цутгамал барилга байгууламж босгох арга юм.
Энэхүү цогц технологийг олон улсад  Термодом, Изодом, Изобуд, ARXX, Formexx, Quad Lock, Lite-form, Fold-Form гэх зэрэг янз бүрээр нэрлэдэг ч бид Термобайшин гэсэн нэршлийг санал болгож байна.
Дээрхи технологиор Хойд Америк, Европ болон Азид олон арван мянган барилга байгууламж баригдаад байгаагаас ОХУ-ын 15 бүс мужид 2 мянга гаруй нь байна. Термобайшин технологийн давуу талууд нь зөвхөн барилга барих явцад ч биш мөн өдөр бүр ашиглалтын явцад ч мэдрэгдэж байдаг.
2013 оны байдлаар Монгол улсад 20 гаруй байшин барилгыг амины орон сууц, цайны газар, зочид буудлын чиглэлээр барин ашиглалтад оруулаад байна.

Термобайшин технологийн давуу талууд нь зөвхөн барилга барих явцад ч биш мөн өдөр бүр ашиглалтын явцад ч мэдрэгдэж байдаг.

 “Термобайшин” технологийн давуу талуудыг гүйцэд ойлгохын тулд доорхи жишээг авч үзье. Даацын хана нь хоёр талаасаа болон нэг талаасаа дулаан тусгаарлагчтай эсвэл огт дулаан тусгаарлагчгүй байж болно. Хана нь ямар ч нэмэлт давхрагагүй байсан ч даац, чимээ шуугиан тусгаарлалт, дулаан хадгалалт зэрэг бүх шаардлагыг хангасан байх ёстой. Хана дулааныг хадгалж чимээ нэвтрүүлэхгүй байхын тулд сийрэг эд материалаар хийгдсэн байх хэрэгтэй ч ийм материал нь даац авч чадахгүй нь тодорхой. Даац, бөх батыг нь дээшлүүлэхийн тулд нягт материал хэрэглэмээр гэтэл дулаан хадгалалт нь муудна. Аль аль чанарыг нь дээшлүүлэхийн тулд ханын зузааныг нэмж болно. Гэвч ингэснээрээ зардал өсөх болдог. Хана нэг талаасаа пенополистирол дулаалгатай нөхцөлд дээрхи үзүүлэлтүүд хангалттай сайн боловч хоёр талаасаа дулаалга давхрагатай  “сэндвич” хэмээх хосгүй үзүүлэлттэй даацын хананы давуу тал мэдэгдэхүйц байдагт тулгуурлан “Термобайшин” технологийг бий болгожээ. Мөн хоёр талын дулаан тусгаарлалт нь даацын хананы температурын хэлбэлзлэлийг хамгийн бага байлгаж цууралт зэргээс хамгаалдаг байна. Үүнээс гадна давхар буюу хоёр талын дулаан тусгаарлагчтай хана нь тасалгааг түргэн халаахад ач холбогдолтой. Дан тусгаарлагчтай эсвэл огт тусгаарлагчгүй хана өөрөө халж дулаан авч байж өрөө тасалгаа халж эхэлдэг. Энэ технологиор баригдсан барилгын хана хучилт дулаан болон дуу чимээ тусгаарлах өндөр чанартай болдог. Ханын дулаан техникийн өндөр үзүүлэлтүүд нь өндөр үнэтэй халаах төхөөрөмж суурилуулах илүү зардлаас зайлсхийхэд тусална. Термобайшингийн халаалтын зардал жирийн тоосгон байшингийнхтай  харьцуулахад 2-2,5 дахин бага гарах судалгаа бий.

Дүгнэж хэлэхэд Термобайшин технологи нь бат бөх, дулаахан, тохилог, аюулгүй байшингаа тоглож байгаа мэт хялбараар хурдан хугацаанд барьж амьдрах боломжийг та бидэнд олгож байна.

Хүн бүр өөрийн байшинд амьдрах ёстой.

Технологийн давуу талууд

•    Барилгын хийцийн өртөг хямд

Материалын зардал харьцангуй бага бөгөөд материалын хаягдал маш багатай. Угсралтын хугацаа богино учир ажлын хөлсөнд хэмнэлттэй. Барихад хурдан хялбар учир цөөн тооны ажилчнаар богино хугацаанд байшингаа босгоно.

•    Угсралт хурдан, энгийн, алдаагүй

Хашлагууд нь нарийвчлалтай нэгэн жигд хэмжээтэй учир ханын зузаан болон өргөн уртад алдаа гарахгүй. Маш хөнгөхөн хөөсөнцөр хашлагуудыг хүүхдийн хамт ч тоглоом тоглож байгаа мэт хөгжилтэйгээр маш хурдан хугацаанд өрж угсрах боломжтой. Туршлагаас харахад ижил хэмжээний тоосгон байшин барихаас 3-4 дахин хурднаар байшингаа ашиглалтад оруулах боломжтой байдаг. Мөн барилгын явцад ашиглах материалын төрөл багасах боловч өөрийн хүссэн загвараараа байшингаа барихад ямар ч саадгүй уян хатан чанартай байдаг.

•    Чимээ шуугиан, дулаан тусгаарлалт нэмэлтээр шаардагдахгүй

Термобайшин технологид ашигладаг пенополистирол буюу хөөсөнцөр нь “MNS EN 13163 : 2011, Барилгын дулаан тусгаарлах материал. Хөөсөн полистирол (EPS)   бүтээгдэхүүн. Техникийн шаардлага” стандартын шаардлага хангасан материалыг хэрэглэдэг учир дахин нэмж дулаалга, дуу чимээ тусгаарлагч материал хэрэглэх шаардлагагүй, Энэхүү бүтээгдэхүүн нь хүний биед ямар нэгэн хор нөлөөгүй бөгөөд галыг дэмждэггүй нэмэлт бодистой байдаг. Амины орон сууцанд зориулан гаргаж буй 25см-н зузаантай термо хана нь 50см-н зузаантай дан модон хана, 2м-н зузаантай тоосгон хана, 4м-н зузаантай бетонон ханатай дулаан хадгалалтаараа ижил байх онолын тооцоотой байдаг.

•    Асар их хэмнэлттэй

Та байшингаа барихдаа ч цаг хугацааны, материалын, өөрийн сэтгэл санааны гэх зэрэг олон зардлаа хэмнэж болох бөгөөд үүний дээр байшингийн тань хана дотор, гадна талаасаа зэрэг дулаан тусгаарлагчтай болох учир байшингийн халаалтын зардлыг 50-80% хэмнэх боломжтой болох юм.

•    Бат бөх

Таны байшин ямар нэгэн сул талгүй болох бөгөөд бүх хэсгээрээ нэгэн жигд зузаантай, газар хөдлөлтөд хамгийн тэсвэртэй, хэрэггүй дуу чимээ болон халуун хүйтнээс бүрэн тусгаарлагдсан зөвхөн таны ертөнцийн цайз байх болно.

•    Тохилог

Гадна орчны температураас үл хамааран байшингийн доторхи дулаан тогтмол байх, гадны элдэв дуу чимээ болон дээд давхар хажуу өрөөний дуу чимээнээс ангид байх нь гэрийн эздэд маш тохилог орчныг бий болгодог.

•    Тээврийн зардал бага

Ижил хэмжээтэй байшин барихад хэрэглэх тоосго болон блокноос жин, оворын хувьд бага учир тээврийн зардлаа хэмнэнэ.

•    Хүнд машин механизм шаардлагагүй

Термохашлага нь маш хөнгөхөн учир угсралтад хүнд машин механизм хэрэглэгддэггүй.

•    Хашлага хэв нь гадна, дотор аль ч талаасаа засал хийхэд бэлэн гадаргуутай

Термохашлага дотроо цутгалтаа хийж дулаалгатай цутгамал бетон ханаа бэлэн болонгуут гадна дотно заслыг шууд хийхэд бэлэн болсон байдаг. Гадна заслыг тор наан шавардах, өнгөлгөөний стикер материалуудыг ашиглах, өнгөлгөөний тоосго өрөх зэрэг олон янзын шийдлээр хийж болно. Дотор заслыг ч гипсэн хавтан наах, шавардах, өнгөлгөөний плита наах зэрэг олон янзаар шийдэж болно.

•    Мод хэрэглэхгүй экологид ээлтэй

Уламжлалт барилгын технологийн дагуу барилгын хэв хашлага, бусад зүйлд хэрэглэгдээд хаягддаг байсан модыг хэрэглэхгүй болсноор дэлхий дахинд тулгараад буй экологийн асуудалд тохирсон экологид ээлтэй технологи гэж үзэж болно.