Хэрэглэх хүрээ: Жоби хар замаска нь цементэн суурьтай, хуурай хольц юм. Барилгын гадна, дотор ажилд хэрэглэнэ. Уг хольц нь тусгай сэмэрлэг материалын орцтой барьцалдуулах чадвар өндөр, цууралтад тэсвэртэй, ус тусгаарлах чадвартай нэмэлт полимер орцтой. Сэмэрлэг материал болон барьцалдуулагч нэмэлт орцын нийлмэл нь бусад зуурмагуудтай харьцуулахад шавардлагын үеийг цууралтад маш тэсвэртэй бат бэх болгож өгдөг.
Техникийн үзүүлэлт:
Хуурай байх үеийн нягт-1600 кг/мЗ
Шахалтын бат бэх-7,5 Мпа доошгүй,
Цаг агаар, орчны нөхцөл-+4°С ээс +32°С хүртэл
Гал дэмжих байдал-гал дэмжихгүй ба тэсэрч дэлбэрэхгүй
Гадаргууг бэлтгэх, ашиглалт: Хэрэглэх гадаргуу нь +4°С-ээс +32°С хэмд байна. Бүх төрлийн тос, тоос шороог хэрэглэх гадаргуугаас бүрэн цэвэрлэсэн байх ба тэгш гадаргуутай байх шаардлагатай. Саванд /нэг уут хуурай хольц буюу 25 кг-д бодож/ 6 л шүлтлэг багатай цэвэр ус хийгээд хуурай хольцоосоо хийж зуурагчаар ( 800 Ватт-аас доош хүчин чадалтай ) бүхэлгүй нэгэн жигд зуурмаг болтол нь хутгана. Зуурмагт өөр төрлийн бодис нэмж болохгүй. Бэлтгэсэн замаскаа гадаргуу дээр 3 мм-ээс ихгүйгээр зузаан жигд түрхэнэ. Бүх төрлийн урттай ниви ашиглана. Бэлтгэсэн ханан дээр фасадны торыг шууд хар замаска ашиглан наана.
Хадгалалт: Хуурай хольцыг модон тавиур дээр газраас 10 см-аас дээш, нарны шууд тусгалаас хол, ус чийггүй, хуурай, сэрүүн нөхцөлд хадгална. Бүтээгдэхүүнийг үйлдвэрлэсэн өдрөөс хойш 6 сар хадгална.