Өөрчлөлтийг хадгалах уу?

Гарчиг эсвэл агуулгад хадгалаагүй өөрчлөлт байна.

БАРИЛГЫН ГЭРЭЭНИЙ УДИРДЛАГА СЭДЭВТ СУРГАЛТ БОЛНО

Author avatar setguul@barilga.mn
2026.11.20

Барилгын төсөл хэрэгжүүлэхэд гэрээний нөхцөлийг зөв хэрэгжүүлэх, ажлын хугацааг баримтлах, санхүүгийн болон эрх зүйн эрсдэлээс урьдчилан сэргийлэх нь чухал байдаг. Эдгээр чиглэлээр мэргэжлийн мэдлэг, практик ур чадвар олгох зорилготой “Барилгын гэрээний удирдлага” сургалтыг Барилгын сургалт хөгжлийн академи (БСХА)-аас 2026 оны арванхоёрдугаар сарын 10-нд зохион байгуулах гэж байна.

Сургалт нь барилгын салбарын удирдах ажилтан, зураг төсөл, барилга угсралт, барилгын материалын чиглэлийн инженер техникийн ажилтан, хуульч, төсөвчдөд зориулагдсан бөгөөд гэрээний удирдлага, хугацааны удирдлага болон гэрээний эрсдэлийн удирдлага гэсэн үндсэн гурван сэдвийг хамарна.

Сургалтаар гэрээний өөрчлөлт, нэмэлт ажлыг зохицуулах, хугацаа сунгах нэхэмжлэл (EOT)-ийн үндэслэл, баримтжуулалт, гэрээний санхүүгийн болон эрх зүйн эрсдэлийг тодорхойлох талаар мэдлэг олгоно. Ингэснээр гэрээний хэрэгжилтийг үр дүнтэй хянах, маргаан болон санхүүгийн алдагдлаас урьдчилан сэргийлэх практик арга барилд суралцах боломжтой.

Сургалтыг олон улсын PMP, FCCM гэрчилгээтэй, төслийн болон гэрээний удирдлагын чиглэлээр мэргэшсэн сургагч багш нар удирдан явуулах бөгөөд оролцогчдод нэг багц цагийн гэрчилгээ олгоно. 

Сургалтын мэдээлэл:

  • Хэзээ: 2026 оны 12 дугаар сарын 10, 09:00–18:00

  • Төлбөр: 120,000 төгрөг

  • Зохион байгуулагч: Барилгын сургалт хөгжлийн академи БСХА

  • Холбоо барих: 91168944

Төлбөр төлөх данс:
Хаан банк: IBAN: MN67000500 5021574340
Хүлээн авагч: Барилгын сургалт хөгжлийн академи (БСХА)
Гүйлгээний утга: Овог, нэр, утасны дугаар

Сургалтын төлбөр төлснөөр оролцох суудал баталгаажих бөгөөд суудлын тоо хязгаартай.

Бүртгүүлэх: https://shorturl.at/Wecmy

Зохион байгуулагч:

Барилгын сургалт хөгжлийн академи (БСХА)

Хамтран зохион байгуулагч:

Barilga.mn

Монголын Барилгын Инженерүүдийн Холбоо

 

 

Танд ямар санагдав?

0 / 250

Сэтгэгдэл

Одоогоор сэтгэгдэл алга.

Вэб-д шинэчлэл орсон байна.