Өөрчлөлтийг хадгалах уу?

Гарчиг эсвэл агуулгад хадгалаагүй өөрчлөлт байна.

ПОЛЬШИЙН 50 САЯ ЕВРОГИЙН ХӨНГӨЛӨЛТТЭЙ ЗЭЭЛЭЭР ХЭРЭГЖҮҮЛЖ БУЙ ТӨСЛҮҮДИЙН ХУГАЦААГ СУНГАНА

Author avatar setguul@barilga.mn
2026.11.19

Монгол Улс, Бүгд Найрамдах Польш Улсын Засгийн газар хооронд байгуулсан 50 сая еврогийн нэн хөнгөлөлттэй зээлийн хүрээнд хэрэгжүүлж буй орон нутгийн цэвэрлэх байгууламж болон хог хаягдлын төслүүдийн гэрээ, санхүүжилтийн хугацааг сунгах асуудлыг хэлэлцлээ. Энэ талаар 2026 оны арваннэгдүгээр сарын 19-ний өдөр УИХ-ын Аюулгүй байдал, гадаад бодлогын байнгын хорооны хуралдаанд Хот байгуулалт, барилга, орон сууцжуулалтын сайд Э.Бат-Амгалан танилцуулсан юм.

Нийт таван төслийн гурав нь бүрэн дуусаж, үлдсэн төслүүдийн гүйцэтгэл 84–90 хувьд хүрсэн бөгөөд ажлыг бүрэн дуусгахын тулд зээлийн санхүүжилт болон гэрээний хугацааг сунгах асуудлыг хэлэлцэж байна

2017 оны тавдугаар сарын 9-нд байгуулсан уг зээлийн ерөнхий хэлэлцээр нь жилийн 0.15 хувийн хүүтэй, 28 жилийн хугацаатай бөгөөд үндсэн төлбөрөөс таван жил чөлөөлөгдөх нөхцөлтэй. Аймгуудын бохир ус цэвэрлэх байгууламжийг өргөтгөн шинэчлэх төсөл 84 хувь, Орхон аймгийн Баян-Өндөр суманд хатуу хог хаягдал боловсруулах үйлдвэр байгуулах, хог хаягдлын менежментийг сайжруулах төсөл 90 хувийн гүйцэтгэлтэй байна.

Төслүүдийн хэрэгжилтийг бүрэн дуусгахын тулд Польшийн талтай байгуулсан гэрээний хүчинтэй хугацааг 2026 оны арванхоёрдугаар сарын 31 хүртэл сунгах, мөн зээлийн санхүүжилтийг олгож дуусгах хугацааг таван жилээс найман жил болгон өөрчлөхөөр тохиролцжээ. Одоогийн байдлаар 50 сая еврогийн зээлийн 71.5 хувь буюу 35.7 сая еврог ашигласан бөгөөд 14.3 сая еврогийн санхүүжилт ашиглагдаагүй үлдсэн байна.

Энэхүү хугацааны өөрчлөлт нь Увс, Дорнод аймгийн цэвэрлэх байгууламж болон Орхон аймгийн хог хаягдлын төслийн ажлыг дуусгаж, үлдсэн санхүүжилтийг ашиглах боломж бүрдүүлэх ач холбогдолтой. Түүнчлэн орон нутгийн бохир ус цэвэрлэх хүчин чадлыг нэмэгдүүлж, байгаль орчны бохирдлыг бууруулах, инженерийн дэд бүтцийн хүртээмжийг сайжруулахад чиглэж байна.

Танд ямар санагдав?

0 / 250

Сэтгэгдэл

Одоогоор сэтгэгдэл алга.

Вэб-д шинэчлэл орсон байна.