Барилгын салбарын удирдах ажилтнуудын дунд зохион байгуулагддаг 17 дахь удаагийн “BARILGA BILLIARD” тэмцээн 2026 оны арваннэгдүгээр сарын 7-ны өдөр эхэллээ. Тус тэмцээн нь салбарын удирдлагуудын нөхөрсөг харилцаа, хамтын ажиллагааг бэхжүүлэх, спортоор дамжуулан чөлөөт цагийг үр бүтээлтэй өнгөрүүлэх зорилготой юм.
“Барилга МН”-ээс жил бүр уламжлал болгон зохион байгуулдаг тэмцээнд барилгын салбарын төрийн болон төрийн бус байгууллага, хувийн хэвшлийн аж ахуйн нэгжүүдийн удирдах ажилтнууд оролцож, снүүкер болон пүүл биллиардын төрлөөр өрсөлддөг.
“Барилга МН”-ийн үүсгэн байгуулагч, Төлөөлөн удирдах зөвлөлийн дарга Г.Батсүх, “Elite Snooker Club”-ийн ерөнхий захирал Б.Энхтүвшин тэмцээний нээлтийн үг хэлснээр тэмцээний эхний тоглолтууд эхэллээ.
Энэхүү тэмцээн Snooker болон Pool 8-ball гэсэн хоёр төрлөөр зохион байгуулагдаж байгаа бөгөөд нийт 39 тамирчин оролцож байна. Үүнээс Snooker төрөлд 20, Pool 8-ball төрөлд 19 тамирчин тус тус өрсөлдөж байгаа бөгөөд тэмцээний ялагчид өнөөдөр тодорно.
“BARILGA BILLIARD” тэмцээний онцлог нь зөвхөн барилгын салбарын удирдах ажилтнууд оролцдог бөгөөд мэргэжлийн снүүкер, пүүл биллиардын тамирчдыг хамруулдаггүй. Энэ нь оролцогчдод спортын нөхөрсөг өрсөлдөөний хүрээнд танилын хүрээгээ тэлэх, салбарын хамтын ажиллагааг бэхжүүлэх боломж олгодог.
Тэмцээнд оролцож буй нийт тамирчдадаа амжилт хүсье.
ЕРӨНХИЙ ЗОХИОН БАЙГУУЛАГЧ
БАРИЛГА МН
ХАМТРАН ЗОХИОН БАЙГУУЛАГЧИД
“БАРИЛГЫН ХӨГЖЛИЙН ТӨВ” ТӨҮГ
МОНГОЛЫН БАРИЛГЫН ГҮЙЦЭТГЭГЧ БАЙГУУЛЛАГУУДЫН
ХОЛБООМОНГОЛЫН ХЕЙБОЛ ПҮҮЛ БИЛЛЬЯРДЫН ХОЛБОО
ELITE SNOOKER CLUB
Сэтгэгдэл