Хан-Уул дүүргийн 21 дүгээр хороонд хэрэгжүүлж буй “Солонго 1, 2” орлогод нийцсэн орон сууцны төслийн эхний ээлжийн 2,042 айлын орон сууцны барилга угсралтын ажил дуусаж, ашиглалтад оруулахад бэлэн болжээ. Иргэдийг орон сууцанд хамруулах бүртгэл, сонгон шалгаруулалтыг арилжааны банкуудаар дамжуулан 100 хувь цахимаар зохион байгуулахаар шийдвэрлэсэн байна.,
Энэ талаар Монгол Улсын Ерөнхий сайд Н.Учрал 2026 оны арваннэгдүгээр сарын 3-нд “100 мянган айлын орон сууц” үндэсний хөтөлбөрийг танилцуулах үеэр мэдэгдсэн юм. “Солонго 1, 2” төслийн сонгон шалгаруулалтад төр шууд оролцохгүй бөгөөд арилжааны банкууд Засгийн газраас баталсан “Төрийн өмчийн орон сууцыг иргэнд хөлслүүлэх, өмчлүүлэх журам”-ын шалгуурт үндэслэн бүртгэл, сонгон шалгаруулалтыг ил тод, нээлттэй, шударга зохион байгуулна гэдгийг онцолсон юм.
Тус төсөл нь нийт 66 блок бүхий 5,002 айлын орон сууцнаас бүрдэхээр төлөвлөгджээ. Эхний ээлжийн 2,042 айлын орон сууц ашиглалтад ороход бэлэн болсон бол үлдсэн 2,960 айлын орон сууцыг 2027 оны гуравдугаар улиралд багтаан ашиглалтад оруулахаар төлөвлөж байгаа юм.
Иргэдийн бүртгэл, сонгон шалгаруулалтыг ТОСК ТӨХХК бус арилжааны банкууд зохион байгуулах бөгөөд үйл явцыг бүрэн цахим хэлбэрээр явуулна.
Сэтгэгдэл