Барилгын салбарын цаг үеийн мэдээ, мэргэжлийн ярилцлага, зах зээлийн судалгаа, тулгамдсан асуудал, архитектур, интерьерийн шинэ чиг хандлагыг багтаасан “Барилга МН” сэтгүүлийн 198 дахь дугаар худалдаанд гарлаа. 

Энэ удаагийн дугаарын нүүр хуудсанд галын аюулгүй байдлын салбарт 55 жилийн туршлагатай “Гал Импекс” ХХК-ийг онцоллоо. Тус компани объект бүрийн онцлог, эрсдэлд тохирсон инженерийн шийдэл, галын хамгаалалтын систем нэвтрүүлж, хүний амь нас, эд хөрөнгийн аюулгүй байдлыг хангах чиглэлээр ажиллаж байна.

VIP ярилцлага булангийн зочноор Хөдөлмөрийн баатар, зөвлөх инженер М.Могойтор оролцлоо. Тэрээр орон нутгийн барилгын байгууллагуудын чадавхыг бэхжүүлэх, мэргэжилтэй ажиллах хүчнийг бэлтгэхийн ач холбогдлын талаар өөрийн байр суурь, туршлагаа хуваалцсан юм.

“Хөндөх сэдэв” буланд:

Эрчим хүчний хямрал барилгын зураг төсөл, төлөвлөлтийн шийдэлд хэрхэн нөлөөлж буйг авч үзлээ.

“Миний түүх” буланд:

15 настайдаа гагнуурчны мэргэжлийг сонгож суралцсан Гантөгсийн Отгонцэцэгийн түүхийг хүргэж байна. Тэрээр Оюу толгойн уурхайд ажиллаж, эрэгтэйчүүд давамгайлсан энэ салбарт өөрийн ур чадвар, туршлагаа хөгжүүлж яваа бөгөөд ирээдүйд мэргэжлийн боловсролын багш болж, мэдлэгээ залуу үед өвлүүлэх зорилготой.

“Зөвийг мэдье” буланд:

Дээд айлаас ус алдсан тохиолдолд учирсан хохирлоо хэрхэн барагдуулах, хууль ёсны эрх ашгаа хэрхэн хамгаалах талаар хэрэгцээтэй зөвлөмжийг уншаарай.

Мөн “Мэргэжилтний үг” буланд барилгын салбарт нэвтэрч буй ухаалаг шилний технологи, түүний хэрэглээ, давуу талын талаар дэлгэрэнгүй мэдээлэл бэлтгэлээ.

Барилгын салбарын мэдлэг, мэдээллээ шинэчилж, зах зээлийн өөрчлөлт, шинэ технологи, мэргэжлийн туршлагаас суралцахыг хүсвэл “Барилга МН” сэтгүүлийн 198 дахь дугаарыг захиалаарай.

Та 9100-0233 дугаар луу залган захиалж үнэгүй хүргүүлэн аваарай.