Барилгын салбарын удирдах ажилтан, инженер техникийн ажилтнуудад зориулсан барилгын менежментийн сургалт 2026 оны 11 дүгээр сарын 4-ний өдөр эхэлнэ.
Барилгын менежментийн сургалт нь салбарын хууль эрх зүй, норм нормативын шаардлагын талаарх мэдлэгээ шинэчлэх, төслийн удирдлага, зохион байгуулалтыг сайжруулах, хөдөлмөрийн аюулгүй байдал, эрүүл ахуйн эрсдэлийг бууруулахад шаардлагатай мэдлэг, ойлголтоо бататгах боломж юм.
Сургалтад хамрагдсанаар оролцогчид барилгын үйл ажиллагаанд тулгардаг удирдлага, зохион байгуулалттай холбоотой асуудлыг илүү оновчтой шийдвэрлэх, төслийн чанар, бүтээмж, аюулгүй байдалд анхаарч ажиллах суурь мэдлэгээ дээшлүүлнэ.
Сургалтаар дараах зургаан чиглэлээр мэдлэг олгоно.
- Барилгын салбарын хууль эрх зүй, дүрэм журам
- Барилгын норм, нормативын баримт бичгийн тогтолцоо
- Барилгын төслийн удирдлага, менежмент
- Барилгын хөдөлмөрийн аюулгүй байдал, эрүүл ахуй (ХАБЭА)
- Барилга байгууламж болон барилгын аюулгүй байдлын техникийн зохицуулалт
- Барилгын зах зээл, маркетинг
Сургалтыг амжилттай дүүргэсэн оролцогчдод батлагдсан журмын дагуу гэрчилгээ олгоно.
- Мэргэшсэн зэрэг горилогч инженерүүд: Сонгон суралцах 1 багц цаг тооцуулах боломжтой.
- Барилгын үйл ажиллагааны тусгай зөвшөөрөл эзэмшигч байгууллагын гүйцэтгэх удирдлага: Барилгын салбарын мэргэжлийн бус удирдах ажилтанд тавигдах холбогдох шаардлагын хүрээнд 1 кредит цагийн сургалтад хамрагдсан байх нөхцөлийг хангана.
Барилгын салбарын удирдах ажилтан, инженер техникийн ажилтнуудыг сургалтад хамрагдаж, мэргэжлийн мэдлэг, ур чадвараа дээшлүүлэхийг урьж байна.
- Эхлэх өдөр: 2026 оны 11 дүгээр сарын 4
- Төлбөр: 250,000 төгрөг
- Бүртгэл: Бүртгэлийн маягт
- Холбоо барих утас: 91168944
- И-мэйл: assistant@barilga.mn
Суралцагчдын тоо хязгаартай тул төлбөрөө төлж, бүртгэлээ баталгаажуулна уу.
Зохион байгуулагч:
Барилгын сургалт хөгжлийн академи (БСХА)
Хамтран зохион байгуулагчид:
Монголын Барилгын Үндэсний Ассоциаци ТББ
Монголын Барилгын Инженерүүдийн Холбоо
Barilga.mn
Сэтгэгдэл