Барилга угсралтын ажлын чанар, хяналтыг сайжруулах, талбай дээр ажиллаж буй инженер, техникийн ажилтнуудын өдөр тутмын хэрэгцээнд нийцсэн баримт бичиг боловсруулах зорилгоор “Барилгын өдөр тутмын ажлын гүйцэтгэлийн тэмдэглэл” болон “Ил, далд ажлын акт”-ыг шинэчлэх нээлттэй хэлэлцүүлэг 2026 оны аравдугаар сарын 26-нд боллоо.
Хот байгуулалт, барилга, орон сууцжуулалтын яам болон Барилгын хөгжлийн төв ТӨҮГ-аас зохион байгуулсан хэлэлцүүлэгт салбарын инженер, техникийн ажилтнууд, мэргэжилтнүүд оролцож, баримт бичгийн төсөлд санал, зөвлөмжөө өгсөн байна.
Эдгээр баримт бичиг нь барилгын ажлын явц, гүйцэтгэлийг бүртгэх, ил болон далд хийгдсэн ажлыг баримтжуулахад чухал үүрэгтэй.
Иймээс шинэчлэлийг бодит ажлын туршлага, практик шаардлагад нийцүүлснээр гүйцэтгэлийн бүртгэл, ажлын хүлээн авалт болон чанарын хяналтыг сайжруулах ач холбогдолтой юм. Хэлэлцүүлгээс гарсан саналуудыг нэгтгэн баримт бичгийн эцсийн хувилбарт тусгахаар ажиллаж байна.
Сэтгэгдэл