Сингапур улсын нийт барилгын ашигтай талбайн 66 хувь нь ногоон барилгын шаардлагад нийцсэн бөгөөд 2030 он гэхэд энэ үзүүлэлтийг 80 хувьд хүргэх зорилт тавьжээ.
Ногоон барилгын стандарт нь байгаль орчныг хамгаалахаас гадна эрчим хүчний хэрэглээ, ашиглалтын зардлыг бууруулах ач холбогдолтой юм.
Сингапурын Барилга, бүтээн байгуулалтын газрын мэдээлснээр, ногоон барилгууд жилд 4.6 тэрбум киловатт.цаг гаруй цахилгаан эрчим хүч хэмнэж, нүүрстөрөгчийн ялгарлыг ойролцоогоор 1.9 сая тонноор бууруулдаг. Ингэснээр жил бүр 1.6 тэрбум сингапур долларын зардал хэмнэх боломж бүрддэг байна.
Тус улс 2030 он гэхэд шинэ барилгуудын эрчим хүчний үр ашгийг нэмэгдүүлж, ногоон барилгын стандартыг өргөн хүрээнд нэвтрүүлэхээр ажиллаж байна. Энэ хүрээнд барилгын зураг төсөл, ашиглалт, эрчим хүчний хэрэглээг сайжруулахад чиглэсэн бодлого хэрэгжүүлж байна
Сэтгэгдэл