БНХАУ-ын Шанхай хотод Хуанпу мөрний эрэгт барьсан Их дуурийн театр аравдугаар сарын 17-нд нээлтээ хийлээ. Архитектурын Snøhetta студи болон Хятадын East China Architectural Design & Research Institute хамтран зураг төслийг нь боловсруулсан уг барилга 146,786 м² талбайтай бөгөөд зураг төслийн олон улсын уралдаанаар 2016 онд шалгарч, 2026 онд ашиглалтад оржээ.
Театр нь нийт 4,200 хүний суудалтай гурван үзвэрийн танхимтай. Гол танхим нь 2,000, хоёр дахь танхим нь 1,200, туршилтын болон уян хатан зохион байгуулалттай тайз нь 1,000 хүний суудалтай. Мөн бэлтгэл сургуулилалт, уран бүтээлийн үйлдвэрлэл, сургалт, үзэсгэлэнгийн зориулалттай орон зайг нэг дор төлөвлөсөн байна.
Барилгын онцлог нь долгиолсон хэлбэртэй дээврийг зөвхөн архитектурын шийдэл бус, олон нийт ашиглах орон зай болгон төлөвлөсөнд оршино.
Дээвэр рүү өгсөх мушгиа шат нь үзэгчдийг Хуанпу мөрөн болон хотын өнгө төрхийг харах боломжтой дээд талбайд хүргэх бөгөөд уг орон зайг тоглолтгүй үед ч олон нийт ашиглах боломжтой.
Ингэснээр театр нь зөвхөн тоглолт үзэх барилга бус, хотын иргэд цуглаж, амрах нийтийн орон зай болжээ.
Сэтгэгдэл