Барилгын салбарын мэдээлэл, бизнесийн харилцааг нэгтгэсэн BARILGA.MN AI PLATFORM нээлтээ хийлээ

“Барилга МН” нь барилгын салбарын үйлдвэрлэгч, ханган нийлүүлэгч, гүйцэтгэгч, төсөл хэрэгжүүлэгч болон хэрэглэгчдийг мэдээлэл, технологи, бизнесийн харилцаагаар холбох, салбарын мэдээлэл, бүтээгдэхүүн, үйлчилгээ болон бизнесийн боломжийг нэг дор төвлөрүүлсэн хиймэл оюун ухаанд суурилсан BARILGA.MN AI PLATFORM-ыг 2026 оны аравдугаар сарын 20-нд нээлээ. 

Нээлтийн арга хэмжээнд төрийн болон төрийн бус байгууллага, мэргэжлийн холбоодын удирдлага, төлөөлөл, барилгын салбарын 250 гаруй аж ахуйн нэгжийн удирдлага, төлөөлөл болон “Барилга МН”-ийн хамтран ажиллагч байгууллагуудын төлөөлөл оролцсон юм.

Барилгын салбар жил бүр өсөж, 2025 онд барилга, их засварын ажил 11.7 их наяд төгрөгт хүрч, 25,817 шинэ орон сууц ашиглалтад орсон байна. Тусгай зөвшөөрөлтэй 8,413 барилгын компани үйл ажиллагаа явуулж, салбарт 102,700 хүн ажиллаж байна.

Салбар өргөжихийн хэрээр захиалга хаанаас олох, хэнд итгэх, ажилтан хаанаас олох, мэдээлэл хаана байгаа, сурталчилгаа үр дүнгээ өгсөн эсэх гэсэн асуултууд компаниудад улам хурцаар тулгарч байна. Платформ эдгээр таван асуултад нэг дор хариулахыг зорьжээ.

Уг платформ нь “Барилга МН” -ийн 2007 оноос хуримтлуулсан салбарын мэдээлэл, туршлагад тулгуурласан бөгөөд мэдээллийн сан, ухаалаг хайлт, байгууллагын цахим хуудас үүсгэх Page Builder, харилцагчийн хүсэлт удирдах CRM систем, хиймэл оюун ухаанд суурилсан AI менежерийг нэг орчинд нэгтгэжээ. Ингэснээр хэрэглэгчид хэрэгцээт мэдээллээ олох, компаниуд бүтээгдэхүүн, үйлчилгээгээ таниулах, шинэ захиалагч, түнштэй холбогдох, өдөр тутмын бизнесийн үйл ажиллагаагаа удирдах боломжийг нэг дор бүрдүүлж байна.

• Нэгдсэн ухаалаг хайлт. Хэрэглэгчид байгууллага, барилгын материал, бүтээгдэхүүн, үйлчилгээ, зар, шинэ орон сууц, мэдээ, мэргэжлийн ном, бүтээл болон үнэ ханшийн мэдээллийг нэг дороос хайж, сонголтоо харьцуулан судлах боломжтой. Ингэснээр олон эх сурвалжаас мэдээлэл тус тусад нь хайхад зарцуулах цагийг хэмнэхийн зэрэгцээ хэрэгцээндээ нийцсэн нийлүүлэгч, бүтээгдэхүүн, үйлчилгээг сонгоход дэмжлэг үзүүлнэ.

• Page Builder ба Verified. Байгууллагууд платформ дотор өөрийн танилцуулга, бүтээгдэхүүн, үйлчилгээ, мэдээ, салбар нэгжийн мэдээллийг байршуулж, цахим хуудас үүсгэх боломжтой. Мэдээллээ баталгаажуулсан байгууллага Verified тэмдэглэгээ авах бөгөөд энэ нь хэрэглэгчдэд баталгаажуулалт хийлгэсэн байгууллагыг ялган танихад тусална. Platinum багцад өөрийн домэйн холбох боломж багтжээ.

• CRM систем. Байгууллагад ирсэн харилцагчийн хүсэлт, үнийн санал болон захиалгын явцыг бүртгэж, үе шат бүрээр хянах боломжтой. Gold багцаас эхлэн ашиглах CRM систем нь шинэ хүсэлтээс эхлээд харилцагчтай холбогдох, үнийн санал хүргүүлэх, захиалга болгох хүртэлх үйл явцыг цэгцтэй удирдахад дэмжлэг үзүүлнэ.

• Сарын тайлан. Байгууллага сар бүр хэдэн хүн үзсэн, хэдэн хүсэлт ирсэн, хэд нь захиалга болсныг харж, сурталчилгааныхаа үр дүнг тоогоор үнэлнэ.

• AI менежер. Хиймэл оюун ухаанд суурилсан AI менежер нь зарын агуулга боловсруулах, мэдээлэл нэгтгэх, харилцагчийн түгээмэл асуултад хариулах зэрэг өдөр тутмын ажлыг хөнгөвчлөхөд чиглэж байна. Тус боломж Gold, Platinum, Diamond багцад багтсан бөгөөд ашиглалтын нөхцөл нь тухайн багцын эрхээс хамаарна.

• Хүний нөөцийн мэдээлэл. Байгууллагууд ажлын байрны зараа байршуулж, инженер, техникийн ажилтан, мэргэжлийн болон туслах ажилтанд хүргэх боломжтой. Энэ нь ажил олгогч, ажил горилогчдыг барилгын салбарын чиглэлээр холбох нэг суваг болж байна.

• Шинэ орон сууцны мэдээлэл. Шинэ орон сууцны төслүүдийн байршил, зураг болон бусад мэдээллийг нэг дороос хайж, харьцуулан судлах боломжтой. Ингэснээр орон сууц худалдан авагчдад сонголтоо судлах, төсөл хэрэгжүүлэгчдэд боломжит худалдан авагчидтай холбогдоход дэмжлэг үзүүлнэ.

• Мэргэжлийн мэдээллийн сан. Платформд барилгын салбарын 698 ном, бүтээл, “Барилга МН” сэтгүүлийн 191 дугаарын архив, норм, дүрэм, стандарт, амины орон сууцны зураг төсөл болон барилгын материалын үнэ ханшийн мэдээллийг нэгтгэжээ. Ингэснээр салбарын мэргэжилтэн, инженер, төсөл хэрэгжүүлэгч болон хэрэглэгчид шаардлагатай мэдээллээ нэг орчноос хайх боломж бүрдэж байна.

Энэхүү шинэчлэгдсэн BARILGA.MN AI PLATFORM нь барилгын салбарын компаниудад мэдээлэл түгээхээс гадна шинэ захиалагч олох, бизнесийн харилцаагаа өргөжүүлэх, борлуулалтаа удирдах, үйл ажиллагааны зардлаа оновчтой болгоход дэмжлэг үзүүлэх ач холбогдолтой

Платформын нэгдсэн ухаалаг хайлтаар байгууллага, барилгын материал, бүтээгдэхүүн, үйлчилгээ, зар, шинэ орон сууц, мэдээ, мэргэжлийн ном, бүтээл болон үнэ ханшийн мэдээллийг нэг дороос хайх боломжтой. Ингэснээр хэрэглэгчид олон эх сурвалж дамжин мэдээлэл цуглуулахад зарцуулах цагаа хэмнэж, хэрэгцээндээ нийцсэн бүтээгдэхүүн, үйлчилгээ, нийлүүлэгчийг харьцуулан судлах нөхцөл бүрдэнэ.

• Салбарын нэгдсэн мэдээлэлийн санд байршина. Салбарын нэгдсэн мэдээллийн санд байршуулж, зорилтот хэрэглэгч, бизнесийн түншүүдэд бүтээгдэхүүн, үйлчилгээгээ таниулах боломж бүрдэнэ. 

• Шинэ захиалагч, бизнесийн түнштэй холбогдоно. Компаниуд бүтээгдэхүүн, үйлчилгээ, байгууллагын мэдээллээ платформд байршуулснаар хэрэгцээт бүтээгдэхүүн, үйлчилгээ хайж буй хэрэглэгчдэд хүрэх боломжтой. Мөн ханган нийлүүлэгч, гүйцэтгэгч, төсөл хэрэгжүүлэгч болон бусад байгууллагатай холбогдох нөхцөл бүрдэнэ.

• Байгууллагынхаа итгэлцлийг нэмэгдүүлнэ. Мэдээллээ баталгаажуулсан байгууллага Verified тэмдэглэгээ авах боломжтой. Энэ нь хэрэглэгчдэд байгууллагын мэдээллийн баталгаажуулалтын төлөвийг танихад тусалж, бизнесийн харилцаанд шаардлагатай итгэлцлийг бий болгоход дэмжлэг үзүүлнэ.

• Цахим хуудас хөгжүүлэх зардлаа бууруулна. Page Builder ашиглан байгууллагын танилцуулга, бүтээгдэхүүн, үйлчилгээ болон салбар нэгжийн мэдээллийг нэг дор байршуулж, цахим хуудас үүсгэж болно. Үнэгүй Энгийн багцаар байгууллагын хуудас нээж, 10 хүртэлх бүтээгдэхүүн байршуулах боломжтой бол Platinum багцад өөрийн домэйн холбох эрх багтжээ.

• Харилцагч, борлуулалтын үйл явцаа удирдана. CRM системээр ирсэн хүсэлт, үнийн санал, захиалгын явцыг бүртгэж, хянах боломжтой. Тайлангийн мэдээлэлд тулгуурлан байгууллагууд цахим хуудасны хандалт, ирсэн хүсэлт болон борлуулалтын үзүүлэлтээ үнэлж, цаашдын маркетинг, борлуулалтын ажлаа төлөвлөхөд ашиглаж болно. 

• Өдөр тутмын ажлаа хөнгөвчилнө. AI менежер зарын агуулга боловсруулах, мэдээлэл нэгтгэх, харилцагчийн түгээмэл асуултад хариулах зэрэг ажлыг дэмжсэнээр ажилтнуудын цагийг хэмнэж, үндсэн үйл ажиллагаандаа төвлөрөх боломжийг нэмэгдүүлнэ.

• Хүний нөөцөө бүрдүүлнэ. Ажлын байрны зараа платформд байршуулснаар барилгын салбарын инженер, техникийн ажилтан болон бусад мэргэжилтэнд хүрч, тохирох ажил горилогчдыг хайх боломжтой.

• Маркетинг, бүтээгдэхүүний мэдээллээ зорилтот хэрэглэгчдэд хүргэнэ. Компаниуд бүтээгдэхүүн, үйлчилгээний мэдээллээ салбарын хэрэглэгчдэд танилцуулж, гишүүнчлэлийн багцаас хамааран онцлох байршуулалт болон нэмэлт сурталчилгааны боломжуудыг ашиглаж болно.

Ингэснээр Барилгын салбарын байгууллагуудад захиалагч олох, найдвартай түнш сонгох, хүний нөөц бүрдүүлэх, сурталчилгааны үр дүнгээ хянах хэрэгцээ тогтмол тулгардаг. Платформ эдгээр асуудлыг шийдвэрлэхэд дараах байдлаар дэмжлэг үзүүлнэ.

Ийнхүү BARILGA.MN AI PLATFORM нь барилгын салбарын байгууллагуудад мэдээлэл хайх, бүтээгдэхүүн, үйлчилгээгээ таниулах, харилцагч олох, борлуулалтын үйл явцаа удирдах, хүний нөөцөө бүрдүүлэх боломжийг нэгтгэсэн дижитал шийдэл болж байна.

Нээлтийн арга хэмжээний үеэр BARILGA.MN AI PLATFORM-ийн төслийн удирдагч Г.Амгаланбаяр платформын үндсэн боломжуудыг LIVE DEMO хэлбэрээр танилцуулж, хэрэглэгчид болон бизнес эрхлэгчид хэрхэн ашиглахыг бодит жишээгээр үзүүлэв.

Мөн “Хөхэ нэгэ” ХХК-ийн гүйцэтгэх захирал О.Лхагвасүрэн “Agentic AI: Асуудаг AI-аас ажилладаг AI руу” сэдвээр илтгэл тавьж, хиймэл оюун ухаан асуултад хариулах түвшнээс цаашлан даалгавар гүйцэтгэх, ажлын урсгалыг дэмжих чиглэлд хөгжиж буй хандлагын талаар танилцууллаа.

“Барилгын салбарын бизнесийн хурдасгуур” сэдэвт панел хэлэлцүүлгийг О.Лхагвасүрэн удирдан явуулж, барилгын салбарт технологи нэвтрүүлэх, мэдээлэлд тулгуурлан шийдвэр гаргах, бизнесийн хамтын ажиллагааг өргөжүүлэх асуудлыг хэлэлцэв.

Хэлэлцүүлэгт “Барилга МН”-ийн үүсгэн байгуулагч, Төлөөлөн удирдах зөвлөлийн дарга Г.Батсүх, BARILGA.MN AI PLATFORM-ийн төслийн удирдагч Г.Амгаланбаяр, Startup Mongolia болон iTrip-ийг үүсгэн байгуулагч С.Эрдэнэбат, “Проджи” компанийн дэд захирал, Crystal Residence төслийн удирдагч Н.Долгор, Estimator.mn болон PMIS.mn-ийн гүйцэтгэх захирал М.Одмандах нар оролцож, санал бодлоо солилцлоо.

“Барилга МН” платформын нээлт болон 20 жилийн ойн хүрээнд харилцагч байгууллагууддаа зориулсан тусгай урамшуулал зарлаж, байгууллагын хэрэгцээ, үйл ажиллагааны цар хүрээнд нийцсэн гишүүнчлэлийн багцуудыг танилцууллаа.

• Энгийн багц (үнэгүй): Байгууллагын цахим хуудас нээх, 10 хүртэлх бүтээгдэхүүн байршуулах, харилцагчийн хүсэлт хүлээн авах.

• Gold багц (жилийн 1,290,000₮): Verified тэмдэглэгээ, CRM систем, AI менежер ашиглах.

• Platinum багц (жилийн 1,890,000₮): Gold багцын бүх боломж, өөрийн домэйн холбох, 30 хоногийн онцлох байршуулалт, Захирлын клубт нэгдэх эрх.

• Diamond багц (жилийн 9,990,000₮): Хайлтын үр дүнд тэргүүлэх байршил, сэтгүүл болон цахим сувгаар сурталчилгаа хийх, хувийн менежерийн үйлчилгээ, онлайн арга хэмжээнд оролцох боломж.

2026 оны аравдугаар сарын 31-ийг дуустал Gold, Platinum, Diamond багцад шинээр бүртгүүлсэн байгууллагуудад эхний жилийн гишүүнчлэлийн төлбөрөөс 50 хувийн хөнгөлөлт үзүүлж, гурван сарын AI кредит бэлэглэх юм.

• Gold багц: 1,290,000 төгрөгөөс 645,000 төгрөг

• Platinum багц: 1,890,000 төгрөгөөс 945,000 төгрөг

• Diamond багц: 9,990,000 төгрөгөөс 4,995,000 төгрөг

Мөн хоёр жилийн гэрээнд 20 хувь, гурван жилийн гэрээнд 30 хувийн хөнгөлөлт эдлэх боломжтой.

Platinum болон Diamond багцын гишүүд 2027 оны гуравдугаар сарын 26–28-нд зохион байгуулагдах 41 дэх удаагийн BARILGA EXPO олон улсын барилгын үзэсгэлэн, яармагийн талбайг түрүүлж сонгох давуу эрхтэй.

BARILGA.MN AI PLATFORM нь барилгын салбарын мэдээлэл, бүтээгдэхүүн, үйлчилгээ, хүний нөөц болон бизнесийн харилцааг нэгтгэж, байгууллагуудад шинэ захиалагч, бизнесийн түнш олох, бүтээгдэхүүн, үйлчилгээгээ зорилтот хэрэглэгчдэд таниулах, харилцагчийн хүсэлт болон борлуулалтын үйл явцаа удирдах боломжийг бүрдүүлж байна.

Платформын боломж, гишүүнчлэлийн багц, урамшууллын нөхцөл болон хамтын ажиллагааны талаар дэлгэрэнгүй мэдээллийг barilga.mn сайтаас авах боломжтой.

Лавлах утас: 9990-7816