Улаанбаатар хотын Баянзүрх дүүргийн 36 дугаар хороонд Монгол, Хятадын төрийн тэргүүн нарын нэрэмжит спорт цогцолборын барилгын ажлыг 2026 оны аравдугаар сарын 15-нд эхлүүллээ. Хүннүгийн гудамжинд баригдах уг цогцолбор нь 58,000 м² талбайтай бөгөөд БНХАУ-ын 779 сая юанийн буцалтгүй тусламжаар хэрэгжиж байгаа юм
Цогцолбор нь 10,000 хүний багтаамжтай байхаас гадна өдөрт 6,000 орчим хүүхэд, залуусыг спортын 19 төрлөөр хичээллэх боломжтой орчин бүрдүүлэхээр төлөвлөжээ. Мөн спортын бэлтгэлийн танхим, оношилгоо, сэргээн засах өрөө, спортын бараа үйлчилгээний хэсэг болон тоглоомын талбай байгуулах юм.
Төслийг БНХАУ-ын Shaanxi Construction Engineering Group Corporation компани гүйцэтгэж байгаа бөгөөд 2030 онд ашиглалтад оруулахаар төлөвлөсөн байна. Спорт цогцолбор ашиглалтад орсноор хүүхэд, залуусын спортоор хичээллэх орчин нэмэгдэж, спортын бэлтгэл, сургалт болон холбогдох үйлчилгээний дэд бүтэц өргөжих ач холбогдолтой гэж мэргэжилнүүд үзжээ.
Сэтгэгдэл