Дэлхийн дэд бүтцийн томоохон төслүүдэд хиймэл оюун ухаан, дижитал технологийг зураг төсөл, инженерчлэл болон ашиглалтын үйл ажиллагаанд нэвтрүүлэх нь эрчимжиж байгаа юм
Bentley Systems компанийн 2026 оны “Year in Infrastructure Awards” шагнал гардуулах арга хэмжээ аравдугаар сарын 6–7-нд Сингапур хотод болж, 53 орны 300 гаруй төслөөс дэд бүтцийн зураг төсөл, барилга угсралт, ашиглалтад дижитал технологи нэвтрүүлсэн шилдэг шийдлүүдийг шалгаруулжээ.
Шалгаруулалтад метроны туннель, боомтын өргөтгөл, өндөр хурдны төмөр зам, авто зам, цэнгэлдэх хүрээлэн, эрчим хүчний байгууламж зэрэг олон төрлийн төсөл багтжээ. Тухайлбал, Австралийн Clean Energy Link-North сэргээгдэх эрчим хүч дамжуулах төсөлд хиймэл оюун ухаанд суурилсан дижитал шийдэл ашигласан байна.
Дижитал ихэр технологи нь бодит барилга байгууламж, дэд бүтцийн виртуал загварыг бий болгож, төслийн төлөвлөлт, ашиглалт, хяналтад мэдээлэлд суурилсан шийдвэр гаргах боломж олгодог. Эдгээр технологийн хэрэглээ нэмэгдэж байгаа нь барилгын салбарын дижитал шилжилтийн нэг чиглэл болж байна.
Сэтгэгдэл