Саудын Арабын Жидда хотод баригдаж буй Жидда цамхаг 2026 оны есдүгээр сарын байдлаар 116 давхар, 466 метр өндөрт хүрчээ. Нийт 1,000 метрээс дээш өндөртэй байхаар төлөвлөсөн уг барилга ашиглалтад орсноор дэлхийн хамгийн өндөр барилга болох юм.
Жидда цамхгийн бүтээн байгуулалтын явцын талаар төслийг хэрэгжүүлэгч "Jeddah Economic Company"-ийн гүйцэтгэх захирал Фабиен Тоскано 2026 оны есдүгээр сарын 28–30-нд Эр-Рияд хотод болсон Saudi Mega Projects 2026 дээд хэмжээний уулзалтын үеэр мэдээлэл өгчээ. Түүний мэдээлснээр, цамхаг нийт 157 давхар байхаар төлөвлөгдсөн бөгөөд одоогоор 116 давхрын барилгын ажил дуусаж, үлдсэн 41 давхрын ажлыг үргэлжлүүлэхээр байна.
Барилгыг 2028 оны сүүлээр ашиглалтад оруулахаар төлөвлөж байгаа бөгөөд орон сууц, оффис, худалдааны талбай, тансаг зэрэглэлийн зочид буудал болон дэлхийн хамгийн өндөрт байрлах ажиглалтын тавцантай байх юм.
Жидда цамхаг 828 метр өндөр Бурж Халифаг давснаар дэлхийн хамгийн өндөр барилга болохоос гадна нэг километрийн өндөрт хүрсэн анхны барилга болох зорилготой юм.
Сэтгэгдэл