BARILGA.MN сайтад 20 жилийн турш цугларсан барилгын салбарын мэдээллийн дата болон хиймэл оюун ухааны технологийг нэгтгэсэн BARILGA.MN AI PLATFORM-ийг салбарын бизнесийн төлөөлөл, удирдлагуудад анх удаа танилцуулах хаалттай арга хэмжээ 2026 оны 10 дугаар сарын 20-ны өдрийн 15:30 цагт BALLROOM ZU-д зохион байгуулагдана.
Шинэчлэгдсэн BARILGA.MN AI PLATFORM нь барилгын салбарын компани, төсөл хэрэгжүүлэгч, үйлдвэрлэгч, ханган нийлүүлэгч болон удирдлагуудад зориулан мэдээллийг хурдан хайж олох, олон төрлийн дата мэдээллийг нэгтгэн боловсруулах, харьцуулах, дүн шинжилгээ хийх боломжийг бүрдүүлсэн хиймэл оюун ухаанд суурилсан платформ юм. Ингэснээр салбарын дата, мэдээллийг бизнесийн хэрэгцээнд үр дүнтэй ашиглаж, датад тулгуурласан шийдвэрийг илүү хурдан, оновчтой гаргах боломжтой.
Арга хэмжээний үеэр платформын боломж, онцлог, хэрэглээг бодит жишээгээр танилцуулах бөгөөд шинэчлэгдсэн бүтэц, дата мэдээллийг нэгтгэн ашиглах шийдэл, хиймэл оюун ухааны хэрэглээ болон платформын цаашдын хөгжлийн чиглэлийг танилцуулна.
Арга хэмжээний хүрээнд дата болон технологийн хөгжил барилгын салбарын бизнесийн орчинд ямар шинэ боломж нээж буй талаар илтгэл, хэлэлцүүлэг өрнүүлнэ.
Илтгэлүүд:
Хэлэлцүүлэг:
Хэлэлцүүлгээр барилгын салбарын бизнесийн өсөлт, хамтын ажиллагаа болон дата, технологид суурилсан шинэ боломжуудын талаар санал солилцоно.
Тус хаалттай арга хэмжээнд барилгын салбарын тэргүүлэгч компаниудын удирдлага, төсөл хэрэгжүүлэгчид, гүйцэтгэгчид, үйлдвэрлэгчид, ханган нийлүүлэгчид болон шийдвэр гаргагчид урилгаар оролцоно.
Арга хэмжээний хүрээнд After party & Networking хөтөлбөр зохион байгуулагдаж, салбарын бизнесийн төлөөллүүд харилцан туршлага, мэдээлэл солилцох боломжтой. Мөн хүрэлцэн ирсэн зочдод зориулсан дурсгалын бэлэг гардуулна.
Оролцогчдын тоо хязгаартай тул урьдчилан бүртгүүлэх шаардлагатай. Бүртгэл баталгаажсан зочдод QR урилгыг имэйлээр илгээнэ.
Бүртгүүлэх бол ЭНД дарна уу
Холбоо барих: 9990-7816
Сэтгэгдэл