Онцгой байдлын ерөнхий газар алба хаагчдынхаа нийгмийн баталгааг сайжруулах зорилгоор хэрэгжүүлж буй “Онцгой хотхон” төслийн барилгын ажлыг дуусгаж, ашиглалтад оруулах гүйцэтгэгчийг сонгон шалгаруулж байна.
Тус төсөл нь Онцгой байдлын ерөнхий газрын өөрийн эзэмшлийн талбайд хэрэгжиж буй, таван блок, 16 давхар, нийт 512 айлын орон сууцны цогцолбор юм. Барилга угсралтын ажлын гүйцэтгэл одоогоор 65 хувьд хүрчээ.
Төслийн хүрээнд онцгой байдлын алба хаагчдын орон сууцны нөхцөлийг сайжруулж, нийгмийн баталгааг нь хангахыг зорьж байгаа юм.
Үлдсэн ажлыг гүйцэтгэж, орон сууцыг ашиглалтад оруулахын тулд барилгын тусгай зөвшөөрөлтэй, ижил төстэй төсөл хэрэгжүүлсэн туршлагатай, санхүүгийн болон хүний нөөцийн чадамжтай аж ахуйн нэгжүүдийг сонгон шалгаруулна.
Сонгон шалгаруулалтын материалыг 2026 оны аравдугаар сарын 9-ний өдрийн 13:00 цаг хүртэл хүлээн авахаар зарлажээ.
Сэтгэгдэл