Монгол, Японы төр, хувийн хэвшлийн байгууллагууд 10 дугаар сарын 5-нд Улаанбаатар хотод зохион байгуулсан “Монгол-Японы хот байгуулалтын хөгжлийн форум”-аар хот байгуулалт, дэд бүтцийн дунд болон том хэмжээний төслүүдэд хөрөнгө оруулах боломжийг хэлэлцжээ. Тус форумаар төр, хувийн хэвшлийн түншлэл, хамтран хэрэгжүүлэх боломжтой төсөл, хөрөнгө оруулалтын саналуудыг танилцуулсан байна.
Форумын үеэр Японы Олон улсын тээвэр, дэд бүтцийн төслийг дэмжих JOIN байгууллагаас Монголд хэрэгжүүлэх боломжтой төслүүдийн санхүүжилт, хөрөнгө оруулалтын боломжийн талаар танилцуулжээ. Мөн Монголын тал орон сууцны бодлого, төрийн орон сууцны төслүүд, төр-хувийн хэвшлийн түншлэл болон эрчим хүчний хэмнэлттэй пассив хаусын төслүүдээ танилцуулж, Японы талтай хамтран хэрэгжүүлэх боломжийг хэлэлцжээ.
Энэхүү хамтын ажиллагаа нь Монголын хот байгуулалт, орон сууц, инженерийн дэд бүтцийн төслүүдэд Японы хөрөнгө оруулалт, технологи, туршлагыг татах боломжийг нэмэгдүүлэх ач холбогдолтой юм.
Талууд цаашид тодорхой жишиг төсөл сонгон, хамтран хэрэгжүүлэх боломжийг судлахаар санал нэгдсэн байна
Сэтгэгдэл