Барилгын салбарын цаг үеийн мэдээ мэдээлэл, мэргэжлийн ярилцлага, зах зээлийн судалгаа, салбарын тулгамдсан асуудал, архитектур, интерьерийн чиг хандлагыг нэг дор багтаасан “Барилга МН” сэтгүүлийн 197 дахь дугаар худалдаанд гарлаа.

Энэ удаагийн дугаарын коверийг Монгол Улсад анх удаа томоохон хүчин чадлаар гипсэн хавтан үйлдвэрлэж, импортын бүтээгдэхүүнийг дотоодын үйлдвэрлэлээр орлох зорилт тавин ажиллаж буй тус үйлдвэр нь барилгын материалын үндэсний үйлдвэрлэлийн шинэ үеийг төлөөлж буй Нью Прогресс Группын “Альфа” гипсэн хавтангийн үйлдвэртэй хамтран бэлтгэлээ.

Энэ удаагийн VIP ярилцлагын зочноор Нью Прогресс Группын “Альфа” гипсэн хавтангийн үйлдвэрийн гүйцэтгэх захирал Т.Сод-Эрдэнэ оролцлоо.

Тэрээр үндэсний үйлдвэрлэл байгуулах шийдвэрийн цаадах зорилго, Монголд барилгын материал үйлдвэрлэхэд тулгардаг сорилт, импортын бүтээгдэхүүнтэй өрсөлдөх чадвар, үйлдвэрлэлийн чанарын шаардлага болон дотоодын үйлдвэрлэгчийн хариуцлагын талаар ярилцлаа.

“Монголд үйлдвэрлэхээс илүү чанартай үйлдвэрлэх нь чухал” гэсэн зарчмыг онцолсон энэхүү ярилцлагаас үндэсний үйлдвэрлэл барилгын салбарын ханган нийлүүлэлтийн тогтолцоонд ямар өөрчлөлт авчрах боломжтойг уншаарай.

“Хөндөх сэдэв” буланд:

16 МЯНГАН ӨРХИЙГ ЯАЖ ОРОН СУУЦЖУУЛАХ ВЭ?

Иргэдийг орон сууцжуулах бодлого, ипотекийн зээл, түрээслээд өмчлөх хэлбэр болон 2027 онд 16 мянган өрхийг орон сууцжуулах зорилтын хүрээнд ямар боломж, сорилт байгааг хөндөн авч үзлээ.

“Миний түүх” буланд:

Австралид суралцахын зэрэгцээ барилгын салбарт ажиллаж буй монгол залуугийн туршлага, суралцах болон ажиллах орчны ялгаа, мэргэжлээрээ хөгжиж буй түүхийг хүргэж байна.

“Зөвийг мэдье” буланд:

ЯАГААД ЦОНХ ЦАНТАЖ, ХАНА ЧИЙГТДЭГ ВЭ?

Орон сууц, барилгын дотор орчинд түгээмэл тохиолддог цонхны цан, ханын чийгийн шалтгаан болон түүнээс хэрхэн сэргийлэх талаар мэргэжлийн тайлбарыг хүргэлээ.

“Интерьер” буланд:

Өнгө интерьерийн гол чиг хандлагад хэрхэн эргэн орж байгаа болон гэрийн интерьердээ өнгийг зөв сонгож, хооронд нь зохицуулан ашиглах талаар санаа, зөвлөгөөг хүргэж байна.

Мөн “Мэргэжилтний үг” булан, шинэ орон сууцны үнэ ханш, барилгын материалын шинэчилсэн үнийн мэдээлэл, ажил гүйцэтгэх үнэлгээний судалгаа зэрэг зах зээлд шийдвэр гаргахад шаардлагатай бодит мэдээллүүдийг энэ дугаарт багтаалаа.

Барилгын салбарын мэдлэг, мэдээллээ шинэчилж, зах зээлийн чиг хандлага болон мэргэжлийн мэдээллээс хоцрохгүй байхыг хүсвэл “Барилга МН” сэтгүүлийн 197 дахь дугаарыг уншаарай.

Та 9100-0233 дугаар луу залган захиалж үнэгүй хүргүүлэн аваарай.