АНУ-ын Вайоминг мужийн Шайенн хотод баригдах Google-ийн дата төвийг эрчим хүчээр хангахын тулд "Black Hills Corp." компани 2027–2029 онд 1.8 тэрбум ам.долларын хөрөнгө оруулалт хийх гэрээ байгуулснаа 10 дугаар сарын 06-ны өдөр албан ёсоор мэдээллээ.
Төслийн хүрээнд дата төвийн хэрэгцээнд зориулан 564 МВт-ын шинэ байгалийн хийн цахилгаан станц барьж, төвлөрсөн сүлжээнээс 590 МВт хүртэлх цахилгаанаар хангахын зэрэгцээ гуравдагч талын 2.1 ГВт эх үүсвэрийг микросүлжээгээр удирдах юм. Нийт 2.7 ГВт орчим эрчим хүчний багтаамжтай уг төслийн цахилгаан хангамж 2027 оны сүүлээр эхэлж, 2030 онд дата төвийн оргил ачаалалд хүрнэ.
"Энэхүү 1.8 тэрбум ам.долларын өртөгтэй төслийн хамгийн чухал онцлог нь Google компани эрчим хүчний бүх зардлыг бүрэн хариуцаж, орон нутгийн энгийн хэрэглэгчдэд ямар нэгэн үнийн дарамт үүсгэхгүй байх нөхцөлийг бүрдүүлсэнд оршино."
Иймд тус зардлыг бүрэн хариуцахын зэрэгцээ гэрээний дагуу тоног төхөөрөмжийн худалдан авалтад зориулж Google компаниас "Black Hills"-д 399 сая ам.долларын урьдчилгаа төлбөрийг хэдийнэ шилжүүлжээ.
Сэтгэгдэл