Налайхын замын осол их бүртгэгддэг гурван байршилд явган хүний гүүрэн гарц байгуулж, замын хөдөлгөөний аюулгүй байдлыг сайжруулна.
Гачууртын уулзвараас Налайх-Чойрын уулзвар хүртэлх 20.9 км авто замын дагуу Баянзүрхийн товчоо, 126 дугаар сургуулийн орчим болон Эмийн ургамал буудлын ард гүүрэн гарц барихаар төлөвлөжээ. Бүтээн байгуулалтад Нийслэлийн Замын сангийн хөрөнгөөс 5.7 тэрбум төгрөг зарцуулна.
126 дугаар сургуулийн орчимд барих гарц нь найман тулгууртай, 3.2 метр өндөр, шат болон хөгжлийн бэрхшээлтэй иргэдэд зориулсан налуу замтай байна. Мөн гэрэлтүүлэгтэй, өвлийн улиралд халтиргаа үүсэхээс сэргийлсэн шийдэлтэй байхаар төлөвлөжээ.
Нийслэлийн Засаг даргын үүргийг түр орлон гүйцэтгэгч Б.Пүрэвдагва 10 дугаар сарын 2-нд газар дээр нь ажилтай танилцаж, нэмэлт төсөв, хөрөнгийн дэмжлэг үзүүлэн, гүүрэн гарцуудыг 2026 онд багтаан ашиглалтад оруулах үүрэг өгсөн байна.
Гүүрэн гарцууд ашиглалтад орсноор явган зорчигч, автомашины хөдөлгөөнийг тусгаарлаж, ослын эрсдэлийг бууруулах, ялангуяа сургуулийн орчимд хүүхдийн аюулгүй зорчих нөхцөлийг сайжруулах ач холбогдолтой юм.
Сэтгэгдэл