Барилгын салбарын үйлдвэрлэгч, ханган нийлүүлэгч, төсөл хэрэгжүүлэгч, хөрөнгө оруулагч, мэргэжлийн байгууллага болон хэрэглэгчдийг нэг дор уулзуулдаг “BARILGA EXPO” олон улсын барилгын үзэсгэлэн яармаг 2027 оны 3 дугаар сарын 26-28-ы өдрүүдэд “Буянт-Ухаа” ордонд 41 дэх удаагаа зохион байгуулагдана.
Энэ удаагийн үзэсгэлэн яармаг нь ерөнхий зохион байгуулагч “Барилга МН”-ийн үүсгэн байгуулагдсаны 20 жилийн ойтой давхцаж байгаагаараа онцлог юм.
41 дэх удаагийн “BARILGA EXPO”-д орон сууц, үл хөдлөх хөрөнгө, барилгын материал, инженерийн систем, тоног төхөөрөмж, дэвшилтэт технологи, амины орон сууц болон барилгын үйлдвэрлэлтэй холбоотой бүтээгдэхүүн, үйлчилгээ, шийдлүүдийг танилцуулна.
41 дэх удаагийн “BARILGA EXPO”-д:
• Шинэ орон сууц, үл хөдлөх хөрөнгийн төслүүд
• Барилгын материал, шинэ бүтээгдэхүүн
• Эрчим хүчний хэмнэлттэй болон ногоон барилгын шийдэл
• Сэргээгдэх эрчим хүч, нарны систем
• Дулаан тусгаарлалт, эрчим хүчний хэмнэлттэй халаалт, хөргөлт, автоматжуулалтын систем
• Барилгын дэвшилтэт технологи
• Инженерийн систем, тоног төхөөрөмж
• Хүнд машин механизм, барилгын багаж, тоног төхөөрөмж
• Амины болон зөөврийн сууцны шийдэл
• Интерьер, экстерьер, ландшафт, архитектур, зураг төслийн шийдлүүд
Үзэсгэлэнгээр шинэ бүтээгдэхүүн, технологи, төслүүдийг зах зээлд танилцуулахын зэрэгцээ үйлдвэрлэгч, ханган нийлүүлэгчдийг төсөл хэрэгжүүлэгчидтэй, технологи нийлүүлэгчдийг мэргэжлийн байгууллагуудтай, үл хөдлөх хөрөнгийн төслүүдийг худалдан авагч, хөрөнгө оруулагчидтай холбох боломж бүрдэнэ.
Мөн үзэсгэлэнгийн хүрээнд салбарын мэргэжилтнүүд, үйлдвэрлэгчид, төсөл хэрэгжүүлэгчид, хөрөнгө оруулагчдын оролцоотой бизнес уулзалт, салбарын семинар, бүтээгдэхүүн, технологийн танилцуулга болон мэргэжлийн арга хэмжээнүүдийг зохион байгуулахаар төлөвлөж байна.
Үзэсгэлэнд оролцох байгууллагуудын талбайн захиалга эхэлсэн бөгөөд оролцох сонирхолтой компани, байгууллагууд талбайн сонголтоо урьдчилан баталгаажуулах боломжтой.
2027 оны 3 дугаар сарын 26-28
“Буянт-Ухаа” ордон
Ерөнхий зохион байгуулагч: BARILGA.MN
Холбоо барих: 9990-7816