Энэ оны хоёрдугаар сард орон сууцны үнийн ерөнхий индекс өмнөх сараас 1.1 хувиар буурлаа. Энэ нь орон сууцны үнийн судалгаа хийж эхэлснээс хойш анх удаа сарын дүнгээр үнэ буурсан тохиолдол болж байна.
Тодруулбал, шинэ орон сууцны нэг метр квадрат талбайн дундаж үнэ 4.76 сая төгрөг болж, өмнөх сараас 2.8 хувиар хямдарсан байна. Харин хуучин орон сууцны үнэ 0.4 хувиар буурчээ.
Гэсэн хэдий ч жилийн дүнгээр үнэ өссөн хэвээр байна. Өнгөрсөн оны мөн үетэй харьцуулахад орон сууцны үнэ 9.6 хувиар өндөр байгаа нь үнийн өсөлт үргэлжилж байгаа ч хурд нь саарч байгааг харуулж байна.
Байршлаар нь харвал Сүхбаатар дүүрэгт орон сууц хамгийн үнэтэй хэвээр байгаа бөгөөд нэг метр квадратын үнэ 6 сая төгрөгөөс давжээ. Харин Сонгинохайрхан дүүрэгт хамгийн хямд буюу 3.2 сая төгрөгийн орчимд байна.
Үүнээс дүгнэхэд орон сууцны зах зээлд үнийн өсөлт саарч, богино хугацаанд буурах хандлага ажиглагдаж эхэллээ.
Сэтгэгдэл