Австралийн үл хөдлөх хөрөнгийн зах зээлийн үнийн өсөлт саарч, Сидней болон Мелбурн зэрэг томоохон хотуудад орон сууцны үнэ 0.1 хувиар буурсан нь 2025 оны 12 дугаар сарын мэдээллээр тогтоогджээ. 

Энэхүү бууралтад Австралийн Төв банк инфляцтай тэмцэхийн тулд бодлогын хүүг дахин өсгөж магадгүй гэсэн болгоомжлол голлон нөлөөлсөн байна.

Харин эсрэгээрээ уул уурхайн салбарын идэвхжилтэй холбоотойгоор Перт болон Аделаид хотуудад орон сууцны үнэ 1.9 хувиар өссөн нь тус улсын зах зээл бүс нутгаасаа хамаарч өөр өөр дүр зурагтай байгааг харууллаа. Орон сууцны хүртээмж муудсан, зээлийн хүүгийн тодорхойгүй байдал болон амьжиргааны өртөг нэмэгдсэн зэрэг нь худалдан авагчдын идэвхийг сулруулж байгааг шинжээчид онцолж байна.