2025 онд Европын барилгын салбарын хувьцаа зах зээл дээр огцом өсөлт үзүүлж, хөрөнгө оруулагчдын анхаарлын төвд орж байна. Reuters агентлагийн мэдээлснээр, барилгын компаниудын багц индекс болох STOXX Europe Construction индекс оны эхнээс хойш ойролцоогоор 20 гаруй хувиар өсөж, сүүлийн хэдэн жилийн дээд түвшинд хүрээд байна.
Энэхүү өсөлт нь Европын холбооны орнууд дэд бүтэц, хот байгуулалт, эрчим хүчний шинэчлэлд томоохон хэмжээний хөрөнгө оруулалт хийхээр төлөвлөсөнтэй шууд холбоотой юм.
Ялангуяа Герман Улс ойрын жилүүдэд зам, гүүр, төмөр зам, нийтийн барилга байгууламжид хэдэн зуун тэрбум еврогийн хөрөнгө оруулалт хийхээр төлөвлөсөн нь барилгын болон барилгын материалын компаниудад эерэг хүлээлт бий болгож байна. Үүнээс гадна Украины дайны дараах сэргээн босголтод Европын барилгын компаниуд идэвхтэй оролцоно гэсэн хүлээлт зах зээлд бий бөгөөд энэ нь цемент, бетон, ган зэрэг барилгын материалын эрэлт өсөх төсөөллийг улам бататгажээ.
Сэтгэгдэл