Барилгын салбарын бүтээн байгуулалт өнгөрсөн оноос 30%-иар өсөв

Энэ оны эхний есөн сард барилга угсралт, их засварын ажлын үнэлгээ 8.8 их наяд төгрөгт хүрч, өнгөрсөн оны мөн үеэс 30%-иар өссөн талаар ҮСХ мэдээллээ. 

Үүнээс дотоодын компаниуд 8.5 их наяд төгрөгийн, гадаадын компаниуд 350 тэрбум төгрөгийн ажил гүйцэтгэж, зах зээлийг дотоодын үйлдвэрлэгчид давамгайлсан үзүүлэлттэй байна.

Шинжээчид барилгын салбарын тэлэлтийг эдийн засагт эерэг дохио гэж үзэж байна. Барилгын материалын эрэлт нэмэгдэж, ажлын байр өсөж, дотоодын нийлүүлэлт идэвхжсэнм ч гадаадын компаниудын оролцоо бага байгаа нь хөрөнгө оруулалтын орчин сайжраагүйг харуулж, бодлогоо дахин эргэн харах шаардлагатайг илтгэж байна.