Хятадын Шанхай хотод салхины эрчим хүчээр ажилладаг усан доорх дата төв (UDC) байгуулах төслийг 2025 оны 10-р сард дэлхийд анх удаа хэрэгжүүллээ. Энэ нь компьютерын дэд бүтцийг ногоон хөгжилд шилжүүлэх шинэ жишиг болж байна.
Уг байгууламжийг Шанхай дахь Лингангийн тусгай бүсийн туршилтын чөлөөт худалдааны бүсэд байгуулсан бөгөөд төсөлд нийт 1.6 тэрбум юанийн (ойролцоогоор 226 сая ам.доллар) хөрөнгө оруулалт хийгджээ. Төслийн үр дүнд нийт 24 мегаватт эрчим хүч үйлдвэрлэх хүчин чадалтай дата төв бий болсон байна.
Уламжлалт дата төвтэй харьцуулахад уг төсөл нь ногоон эрчим хүчийг 95 хувиас дээш хэмжээгээр ашигладаг бөгөөд эрчим хүчний хэрэглээг 22.8 хувиар, усны хэрэглээг 100 хувиар, газрын ашиглалтыг 90 гаруй хувиар тус тус бууруулжээ.
Бүтээн байгуулалт бүрэн дууссанаар энэ нь ус, газар ашиглалтыг эрс багасгахын зэрэгцээ сэргээгдэх эрчим хүчтэй нэгдсэн байдлаар ажиллах анхны усан доорх дата төв болж, ногоон технологийн шинэ чиг хандлагыг тодорхойлж байна.
Түүнчлэн энэхүү UDC байгууламж нь нүүрстөрөгчийн ялгарал багатай, далайн салхины эрчим хүчийг ашигласан тооцооллын дэд бүтцийн жишээ болж, олон улсын анхаарлыг татаж эхлээд байна.
Сэтгэгдэл