Сөүл хотод энгийн иргэдэд зориулсан цөмийн, биологийн болон химийн зэвсгийн аюулаас хамгаалах анхны газар доорх хоргодох байрыг барихаар төлөвлөжээ.
Уг байгууламж нь 2147 м² талбайтай, 1020 хүн хоёр долоо хоног хоргодох боломжтой бөгөөд орон сууцны цогцолборын газар доорх гурван давхарт байрлах юм.
Агааржуулалт, усан хангамж, бохир усны системтэй байх ба энх цагт фитнесс төвөөр ашиглах аж.
Барилгын ажлыг 2028 он гэхэд дуусгахаар төлөвлөсөн бөгөөд “Сөүлийн хамгаалалт–2030” хөтөлбөрийн хүрээнд хэрэгжиж байна. Солонгост нийт 18 мянга гаруй хоргодох байр байдаг ч цөмийн зэвсгийн нөлөөнөөс хамгаалах чадвартай нь ховор бөгөөд өмнө нь ийм байгууламж зөвхөн хувийн тансаг орон сууцуудад байсан гэж мэдээлжээ.
Сэтгэгдэл