Дэлхийн зах зээл дээр алтны үнэ эрчимтэй өсөж, 2025 оны төгсгөл гэхэд унц нь 3600 ам.долларт хүрэх боломжтой гэж олон улсын шинжээчид үзэж байна. Өнөөдрийн байдлаар спот үнэ 3370–3387 ам.долларын хооронд хэлбэлзэж байгаа бөгөөд грамм тутмын үнэ 108 ам.долларт дөхөөд байна.
“Ройтерс” агентлагийн мэдээлснээр, энэ онд алтны үнэ ойролцоогоор 25 хувиар өссөн нь дэлхийн эдийн засгийн тодорхой бус байдал, инфляцын эсрэг хамгаалалт болгон хөрөнгө оруулагчид алт руу шилжсэнтэй холбоотой аж.
Өнгөрсөн онд дэлхийн алтны нийт олборлолт 217,000 тоннд хүрсэн бол үүнээс 45 хувь нь үнэт эдлэлд, 22 хувь нь алтан гулдмай, 17 хувь нь төв банкуудын нөөц бүрдүүлэлтэд зарцуулагдсан байна.
Монгол Улсын хувьд алт тушаалт улирлын шинж чанартай хэлбэлздэг. Гуравдугаар улиралд олборлолт нэмэгддэг ч мөнгөний урсгал, лицензтэй холбоотой хүндрэл, байгаль орчны асуудал зэрэг нь зах зээлд тодорхойгүй байдал үүсгэсээр байна.
Эдийн засагчдын үзэж байгаагаар алтны үнэ цаашид өсөх хандлага хадгалагдсаар байх бөгөөд энэ нь олон улсын хөрөнгө оруулагчдын анхаарлыг татсаар байна.
Сэтгэгдэл