Барилгын салбарын нөлөө бүхий арга хэмжээ болох 38 дахь удаагийн BARILGA EXPO олон улсын барилгын үзэсгэлэн яармагийн хүрээнд гадаад, дотоодын бизнес эрхлэгчид болон хөрөнгө оруулагчдын оролцоотой B2B (Business-to-Business) уулзалт зохион байгуулагдана.
Энэхүү уулзалт нь бизнес эрхлэгчдэд нүүр тулан уулзаж, харилцан танилцах, мэдээлэл солилцох, хамтын ажиллагааны шинэ боломжуудыг эрэлхийлэх чухал талбар бөгөөд үзэсгэлэнд оролцогчдын хувьд бизнесийн санал, төсөл хөтөлбөрөө танилцуулж, хөрөнгө оруулалт, худалдаа, түншлэл бий болгоход бодитой алхам болох юм.
Мөн гадаад, дотоодын хөрөнгө оруулагчид болон аж ахуйн нэгжүүд барилгын салбарын хөгжлийн чиг хандлага, зах зээлийн боломж, төсөл хөтөлбөртэй газар дээр нь танилцах өндөр сонирхолтой байдаг. Тиймээс энэхүү уулзалт нь салбарын бүх оролцогчдын хувьд стратегийн чухал суурь болж байна.
BARILGA EXPO олон улсын барилгын үзэсгэлэн яармаг нь зөвхөн үзэсгэлэн худалдаа биш, харин үндэсний болон олон улсын түншлэл, хөрөнгө оруулалт, шинэ технологийн солилцоог дэмжих бодит талбар болон өргөжиж байгааг энэхүү B2B уулзалт тодорхой харуулж байна.
Иймд тус уулзалтад хамрагдах хүсэлтэй аж ахуйн нэгж, байгууллагуудын бүртгэл явагдаж байгаа тул оролцох сонирхолтой байгууллагууд амжиж бүртгүүлнэ үү.
Та бүртгүүлэх бол ЭНД дарна уу.
Ерөнхий зохион байгуулагч:
Хамтран зохион байгуулагч:
ХОТ БАЙГУУЛАЛТ, БАРИЛГА, ОРОН СУУЦЖУУЛАЛТЫН ЯАМ
НИЙСЛЭЛИЙН ЗАСАГ ДАРГЫН ТАМГЫН ГАЗАР
Ерөнхий ивээн тэтгэгч:
Ивээн тэтгэгч:
ECOVER MONGOLIA АГААР ЦЭВЭРШҮҮЛЭГЧ
Дэмжигч байгууллага:
ЧАНАР ӨНГӨТ ТӨМӨР ГАН ХИЙЦ ХХК
IVY RESIDENCE
Website: https://barilgaexpo.mn/
Холбогдох утас: 91000255
Сэтгэгдэл