Нью-Йоркийн Greenwich Village дүүргийн зүрхэнд байрлах 64 University Place нь гял цал тансаглал биш, харин даруухан, ухаалаг дизайн, гар урлалын онцлогийг эрхэмлэсэн орон сууцны шинэ төсөл болж чадсныг интерьерийн мэргэжилтнүүд, архитектур сонирхогчид болон оршин суугчид өндрөөр үнэлж байна.
“Барилгын зохион байгуулалт нь Greenwich Village-ийн уламжлалт архитектуртай зохицон, орон нутгийн өвөрмөц уур амьсгалыг хадгалжээ.”
Сүүлийн үеийн үл хөдлөхийн төслүүдэд олон төрлийн үйлчилгээ, тав тухыг хэтрүүлэн цогцлоосон нь заримдаа орон сууц биш зочид буудал эсвэл коллежийн дотуур байр санагдуулах шалтгаан болдог. Харин энэ барилга харьцангуй цөөн нийтлэг орон зайтай бөгөөд оршин суугчдын чанартай амьдралын хэв маяг, тав тухыг эрхэмлэсэн нь онцлог юм.
Интерьерийн чиглэлээр дэлхийд танигдсан Space Copenhagen студи зоорийн давхарт цайвар царс модоор фитнесс өрөөг бүтээж, байгалийн мэдрэмж, тав тухыг бүрдүүлжээ. Оршин суугчдад зориулсан нийтийн танхим нь нэг давхарт байрлах бөгөөд гантиг шалтай. Энэхүү танхим нь байгалийн гэрэл сайн тусдаг том цонхтой, арын хашаа руу шууд гарах гарцтай юм.
Цаашид хашааны тохижилт бүрэн хийгдэж, ногоон байгууламж, шаталсан усан оргилуур, уран баримал бүхий тохилог орчин бүрдэхээр төлөвлөгдсөн нь оршин суугчдын амралт, тайвшралд эерэг нөлөө үзүүлэх болно.
64 University нь нүд булаах гял цал тансаг байдал биш, харин сэтгэл татах гоо зүй, нарийн төлөвлөлт бүхий орчин үеийн даруухан тансаглалын илэрхийлэл болж байна.
