Улаанбаатар хотын орон сууцжуулах бодлогын хүрээнд Сонгинохайрхан дүүргийн 5 дугаар хороо, Ханын материал орчимд 12.6 га газарт 1800 айлын орон сууц барих томоохон төсөл эхэллээ. Энэ ажлын хүрээнд өнөөдөр нийслэлийн Засаг даргын нэгдүгээр орлогч Т.Даваадалай, “Нийслэлийн Орон сууцны корпораци” ХК-ийн гүйцэтгэх захирал М.Говьсайхан нар газар дээр нь ажиллав.
Одоогийн байдлаар уг байршилд газар чөлөөлөлт 82 хувийн явцтай бөгөөд долоодугаар сарын дотор бүрэн дуусгахаар төлөвлөж байна. Дэд бүтцийн асуудлыг нийслэл хариуцаж шийдсэн тул компаниуд зөвхөн барилгын ажлыг эхлүүлэх нөхцөлтэй байна.
Энэхүү хороолол нь “20 минутын хот” концепцтой уялдсан, жишиг загвар бүхий шинэ суурьшлын бүс болохоор төлөвлөгдөж байна.
Сэтгэгдэл