Барилга бүтээн байгуулалтын ажил идэвхжих хаврын улиралд барилгын салбарын аж ахуй нэгж байгууллагуудын дунд жил бүр уламжлал болгон зохион байгуулдаг “BARILGA BASKETBALL 2025” сагсан бөмбөгийн аварга шалгаруулах тэмцээн 15 дахь жилдээ гуравдугаар сарын 14-16-ны өдрүүдэд “Тэмүүжин” спорт цогцолборт болно.
Энэхүү тэмцээнд барилгын салбарын төрийн болон төрийн бус байгууллага, барилгын материал үйлдвэрлэгч, ханган нийлүүлэгч, төсөл хөтөлбөр хэрэгжүүлэгч, барилгын гүйцэтгэгчид, зураг төсөл зохиогчид зэрэг 50 гаруй компанийн 500 орчим инженер техникийн ажилтан, удирдлагууд оролцон гурван өдрийн турш хурд хүчээ сорьж, аваргаа шалгаруулдаг билээ.
Тус тэмцээнээр дамжуулан оролцогч ААНБ-ууд хамтын ажиллагаа, бизнесийн харилцаагаа сайжруулах, санал солилцох, баг тамирчид найз нөхдийн хүрээгээ тэлэх зэрэг спортоор дамжуулан чөлөөт цагаа үр бүтээлтэй өнгөрүүлэх боломж олгодог нөхөрсөг тэмцээн бөгөөд энэ жилийн хувьд “Шилдэг хөгжөөн дэмжигч” шалгаруулах юм.
Барилгын салбарын аж ахуйн нэгж байгууллагууд та бүхнийг ”BARILGA BASKETBALL 2025” сагсан бөмбөгийн аварга шалгаруулах тэмцээнд идэвхтэй оролцон аваргын төлөө хүч үзэхийг урьж байна.
Зохион байгуулагч: Барилга МН
Хамтран зохион байгуулагч: Хот Байгуулалт, Барилга, Орон Сууцжуулалтын Яам
Бүртгэлийн хураамж:
Гишүүн байгууллага- 700,000
Гишүүн бус байгууллага- 900,000
Холбоо барих утас: 91000233, 90011020
Сэтгэгдэл