УИХ-ын дэд дарга Б.Пүрэвдорж, Ч.Лодойсамбуу, А.Ундраа, Г.Уянгахишиг нарын гишүүд НӨАТ-ыг таван хувь болгох тухай хуулийн төсөл санаачиллаа. Уг хуулийг 2019 онд өргөн барьсан бөгөөд хэлэлцэхгүй буцаагдсан. Харин шинэ парламентын гишүүд хамтран НӨАТ-ыг 5 хувь болгох тухай хуулийн төслийг дахин өргөн барьж байгаагаа мэдэгдлээ.
Одоогоор 180 мянган ААН үйл ажиллагаагаа явуулж буй бөгөөд түүнээс 81 мянга нь НӨАТ төлөгч бол хувиараа төлөгч 250 мянга байгаагаас 50 мянга нь НӨАТ төлөгчөөр бүртгүүлсэн байдаг байна. Татвар төлөгчдийн тоо бага байгаа шалтгаан нь НӨАТ хэт өндөр байгаатай холбоотой гэдгийг онцоллоо.
Өнөөдрийн байдлаар НӨАТ-т 10 хувийг төлж, 2 хувийг буцаан олголт авдаг. Энэхүү хууль хэрэгжсэнээр татварт 5 хувийг төлж, 2 хувийн буцаан олголт авах юм. Ингэснээр татвар төлөгчдөд төрөөс ирж буй татварын дарамт бодитоор буурах юм.
Сэтгэгдэл