Хөдөлмөрийн аюулгүй байдал, эрүүл мэндийн салбарт урьдчилан сэргийлэлт, даатгал, хяналт, эрхзүй зэрэг ТОГТОЛЦООНЫ ШИНЭЧЛЭЛТ хийх нэн шаардлагатайг Гэр бүл, хөдөлмөр, нийгмийн хамгааллын сайд Л.Энх-Амгалан мэдэгдлээ.
Тухайлбал, 2019-2023 онд улсын хэмжээнд хөдөлмөрлөх үүргээ биелүүлэх үедээ 240 хүн амь насаа алдаж, 823 хүн хүнд гэмтэж, 686 хүн хөнгөн гэмтэж, нийт 1748 үйлдвэрлэлийн осол, хурц хордлого бүртгэгдсэн байна.
Хөгжингүй орнууд үйлдвэрлэлийн ослоос шалтгаалсан өвчний тусгайлсан Сэргээн засах тусламж үйлчилгээний эмнэлэг, Ослын даатгалын нийгэмлэгтэй байдаг.
Манай улсын хувьд хувийн даатгалууд хөдөлмөрийн аюулгүй байдал, мэргэжлээс шалтгаалах өвчинд анхаарал хандуулдаггүй хэвээр байна.
Хөдөлмөрийн аюулгүй байдлын жишиг сургалтын төв, лаборатори байгуулж, энэ чиглэлээр мэргэжилтэн бэлтгэдэг их, дээд сургууль, мэргэжлийн холбоодоо дэмжиж, чиг үүргийг нь зөв тодорхойлох хэрэгцээ шаардлага байна.
Эх сурвалж: Гэр бүл, хөдөлмөр, нийгмийн хамгааллын яам
Сэтгэгдэл