Ажил олгогчдод дарамт болж буй “Нийгмийн даатгалын ерөнхий хууль”-ийн 19.1.2-р заалтад “Иргэний хуулийн 343, 359 дүгээр зүйлд заасан ажил гүйцэтгэх, хөлсөөр ажиллах гэрээ болон тэдгээртэй адилтгах гэрээгээр тохирсон цалин хөлс”-ийг даатгуулагч, ажил олгогчийн нийгмийн даатгалын шимтгэл ногдох орлогын бүрэлдэхүүнд оруулж тооцон нийгмийн даатгалын шимтгэл авахаар заасан нь аж ахуйн нэгж байгууллагуудад болон гэрээгээр ажил гүйцэтгэж буй иргэдэд маш их хүндрэл, дарамт болж байна.
Өөрөөр хэлбэл гэрээгээр ажил гүйцэтгэгч нь хуулийн дагуу хувиараа нийгмийн даатгал төлж байхад давхар ажил үйлчилгээний нийт орлогоос нийгмийн даатгалын шимтгэл тооцон суутгаж байгаа нь буруу байна гэдгийг “Монголын барилгын үндэсний ассоциаци” ТББ-ын гишүүдийн өмнөөс, уг хуулийн заалтыг хүчингүй болгох асуудлыг зохих журмын дагуу Улсын Их Хуралд оруулж шийдвэрлүүлэхийг хүсэж байгаагаа Гэр бүл, Хөдөлмөр, Нийгмийн хамгааллын сайд Л.Энх-Амгаланд албан хүсэлт илгээжээ.
Сэтгэгдэл