Нийслэлийн хэмжээнд авто замын шинэчлэлийн ажил үргэлжилж байна. Энэ онд нийт авто замын 70 хувийг шинэчилэх бөгөөд энэ ажлын хүрээнд Яармагийн гүүрнээс Нүхтийн уулзвар хүртэлх 3,3 км авто замын ашиглалтын хугацаа дууссан хашлагыг хуулж байгаа юм.
НЗХГ-ын хэлтсийн мэргэжилтэн З.Доржбат “Авто замын бетон хашлагыг 12-16 жилийн хугацаанд ашигладаг. Хугацаа нь дууссан бетон хашлагыг эдэлгээ удаан, чанартай байгалийн чулуун хашлагаар сольно. Тухайлбал, Бага тойруугийн авто замын хашлагыг 2011 онд байгалийн чулуугаар сольсон нь одоог хүртэл ашиглагдаж байна" гэлээ.
Дээрх 3,3 км авто замд ус зайлуулах 70 шүүрт худаг байдаг ч орон сууцны хороолол болон Богд уулын борооны ус зорчих хэсэг рүү орж, дөрвөн байршилд ус их хэмжээгээр тогтдог. Тиймээс 58 шүүрт худгийг нэмж суурьлуулах юм.
Сэтгэгдэл