Жишиг нэгдсэн эмнэлэгийг 2026 онд ашиглалтад оруулна

Монгол Улсын Засгийн газраас Азийн Хөгжлийн банктай хамтран эрүүл мэндийн тусламж үйлчилгээг хүртээмжтэй хүргэх төслийг 2019 оноос хэрэгжүүлж буй. Уг төслийн хүрээнд Азийн Хөгжлийн банкны хөнгөлөлттэй зээлээр Хан-Уул болон Чингэлтэй дүүрэгт жишиг нэгдсэн эмнэлэг барьж байгаа юм. 300 хүний ортой нийт 600 эмч, эмнэлгийн ажилтан эрүүл мэндийн цогц үйлчилгээ үзүүлэх  тус эмнэлгийн тендерт БНХАУ-ын “Хятадын төмөр замын I групп” компани гүйцэтгэгчээр сонгогдож, барилгын ажлыг өнгөрсөн 5 дугаар сараас эхлүүлсэн. Нийслэлийн Засаг даргын орлогч Л.Хосбаяр болон холбогдох албаныхан тус барилгын ажилтай танилцлаа.