Будаг, эмульс сонгохдоо заавал анхаарах ёстой зүйлс

                              Будаг, эмульс сонгохдоо заавал анхаарах ёстой зүйлс

Одоогоор манай хэрэглэгчид аль хямдыг нь бодож тусгай шингэлэгч бодисоор шингэлдэг буюу тосон суурьтай будгийг засварт өргөнөөр ашигладаг хэвээр байна. Гэтэл бидний хэрэглэж заншсан тосон суурьтай будгийг олон улсад хэрэглээнээс гаргаад удаж байна. 

Хурц үнэртэй, хортой будаг хэрэглэх нь өөрөө асар том аюулыг бидэнд авчирсаар байна. Будаг хатах үед химийн хортой нэгдлүүд нь агаарт ууршиж, орчны агаарт маш удаан хугацаанд хадгалагддаг. Будагны үнэр нь ариллаа гээд хор нь гарлаа гэж үзэж болохгүй. Тухайн орчинд хадгалагдсан хор нь амьсгалын замыг гэмтээх цаашилбал уушгины хорт хавдар үүсгэх шалтгаан болдог байна.

Мөн будганд агуулагдах хар тугалга нь бага насны хүүхдийн тархи мэдрэлийн системд асар их сөрөг нөлөө үзүүүлдэг байна. Тиймээс сургууль, цэцэрлэг, эмнэлэг, байрны засварт усан суурьтай, хоргүй будаг ашиглахыг зөвлөж байна.

 Сургууль, цэцэрлэг, эмнэлэгийн засварт заавал хоргүй будаг ашиглах ёстой. Хэрвээ та гэртээ засвар хийх гэж байгаа бол эрүүл мэндэд ээлтэй, усан суурьтай, сайн чанарын будаг хэрэглэхийг зөвлөж байна. Сайн чанарын будаг нь дараах шалгууруудыг хангасан байх ёстой.

1. Үнэргүй

Будагны хурц үнэр таагүй мэдрэмж төрүүлэхээс гадна амьсгалын замын эрхтэн, уушгийг үрэвсүүлдэг. Харшил үүсгэдэг.

Усан суурьтай будаг нь тусгай шингэлэгч бодис хэрэглэдэггүй усаар шингэлэдэг учраас хурц үнэргүй. Будгийн ажил хийсэн өрөөндөө шууд унтаж амарсан ч болно.

2. Ховхорч хуулрахгүй

Засвар хийгээд удаагүй байтал будаг ховхорч унах тохиолдол их. Энэ нь будагны чанартай холбоотой юм. Хар тугалга ихээр агуулсан тосон будаг нь амархан хагарч,ховхордог бөгөөд энэ нь хүний эрүүл мэндэд сөргөөр нөлөөлдөг. Харин усан суурьтай будаг нь механик гэмтэл сайн даадаг, тогтоц сайтай гэдгээрээ давуу талтай. 

3. Усан суурьтай будаг угаалтанд тэсвэртэй, тогтоц сайтай байдаг. Угаалгын бодисоор цэвэрлэсэн ч өнгөө алдаж гандахгүй. Мөн хөгц мөөгөнцөр үүсгэдэггүй.

4. Хүссэн өнгөө гаргуулан, өөрийн интерьерээр чимэглэх боломжтой 

5. Далдлах чадвар сайн байх ёстой. 

Эдгээр бүх шаардлагыг манай  усан суурьтай будаг дээд зэргээр хангаж чаддаг. Тус будгаар бетон, шавар, мод, төмөр, гипс гээд бүх төрлийн гадаргууг будаж болно.

Бид таньд жинхэнэ хэмнэлтийг санал болгож байна. Зөвхөн мөнгөн дүнгээр хэмжигдэх хэмнэлтээс илүүтэйгээр тав тух, эрүүл мэндээ бодон хэмнэлтийг хийгээрэй