Баянгол дүүргийн 18 дугаар хороонд байрлах хуучнаар "Амур" зочид буудал байсан таван давхар барилгыг нурааж, 16 давхар зочид буудал барихаар үйл ажиллагааг нь эхлүүлээд байсан ажлыг ойролцоох оршин суугчид нь эсэргүүцэж жагссан. Оршин суугчдын зүгээс тус барилгын ажлыг эхлүүлж хөрсийг ухаж байгаа нь бусад ойролцоох орон сууцнуудыг нурах эрсдэлд хүргэж байгаа төдийгүй явган хүний зам хаасан, барилгын стандартын шаардлага хангаагүй зэрэг зөрчилтэй болохыг удаа дараа мэдэгдсэн. Мөн хуулийн байгууллагад хандаж, оршин суугчдын амгалан тайван байдлыг алдагдуулсан талар гомдол өгсөн гэсэн юм.
Тэгвэл 2023.08.03-ны өдөр тус баригдаж байгаа барилга холбогдох стандартын шаардлага хангаагүй, хөрсний нуранги үүсгэсэн гэх олон гомдлын дагуу нийслэлийн Хот байгуулалт, хөгжлийн газрын хяналтын хэлтсийн дарга, "Амур Оргил" ХХК-ийн захирал, иргэдтэй хамтарсан уулзалт хийж нөхцөл байдалтай танилцаж, барилгын ажлыг түр зогсоохоор болжээ.
News.mn
Сэтгэгдэл