Барилгын материалын ханган нийлүүлэгчдийн эрх ашгийг хамгаалах, салбарт тулгамдаж буй асуудлуудыг хамтдаа шийдэх, дуу хоолойгоо нэгтгэн төрд хүргэх зорилгоор “Барилгын ханган нийлүүлэгчдийн зөвлөл” байгуулагдсан бөгөөд өнөөдөр /2023.05.23/ Монголын худалдаа аж үйлдвэрийн танхимд зөвлөлийн гишүүд хуралдаж, төлөөлөн удирдах зөвлөл /ТУЗ/ - ийн гишүүд болон тэргүүнээ сонгож, цаашид хийж хэрэгжүүлэх ажлынхаа талаар ярилцлаа. Тус зөвлөл нь 15 ТУЗ - ийн гишүүнтэй байх бөгөөд дараах гишүүд ажиллахаар болов.
- Росторг ХХК - ийн ерөнхий захирал Э.Амгалан
- Барилгачин Групп үүсгэн байгуулагч Г.Батсүх
- Кореа стандарт ХХК - ийн захирал Д.Цэрэндорж
- Жиди эс си ХХК- ийн захирал Г.Данзанням
- Сайхан төмөрт ХХК - ийн захирал Д.Дашням
- Фэйрви ХХК -ийн захирал Б.Мөнхжаргал
- Базаарсаплай ХХК - ийн захирал Э.Ууганжаргал
- Универсум ХХК ерөнхий захирал Т.Бээлбаатар
- Жи эс дорнын хөгжил ХХК -ийн захирал А.Амар -Отгон
- ЭҮ Хүлэгү Фаам ХХК - ийн захирал А.Анар
- Сибкабель ХХК - ийн ерөнхий захирал Б.Мөнхболд
- Түшиг даян оргил ХХК Б.Саруул - Эрдэнэ нар ажиллахаар боллоо.
Харин Төлөөлөн удирдах зөвлөлийн гишүүдийн 100% - ийн саналаар зөвлөлийн тэргүүнээр Барилгачин группын үүсгэн байгуулагч Г.Батсүх сонгогдлоо.
Барилгын ханган нийлүүлэгчдийн зөвлөлийн үйл ажиллагаа нь:
- Барилгын материалын ханган нийлүүлэгчдийн эрх ашгийг хамгаалах
- Барилгын салбарт чанар стандартын шаардлага хангасан барилгын материал нийлүүлэх, хэрэглэх
- Барилгын материалтай холбоотой хууль, дүрэм журам боловсруулах, хэрэгжүүлэхэд анхаарч ажиллах
- Гадаадын ханган нийлүүлэгчдийн ТББ, ААН-тэй хамтран ажиллах, олон улсын туршлагыг судалж, нэвтрүүлэх
- Барилгын ханган нийлүүлэгчдийн чадавхийг сайжруулах сургалт семинар, уулзалт зэргийг зохион байгуулах
- Салбарын төрийн болон төрийн бус байгуулагуудтай хамтран ажиллах
- Ханган нийлүүлэгчдийн үйл ажиллагааг олон нийтэд сурталчлах зэрэг өргөн хүрээнд ажиллахыг зорьж байна.
Гишүүнээр бүртгүүлэх бол ЭНД дарна уу
Холбоо барих: 91000255, 99907816
Сэтгэгдэл