Барилга, хот байгуулалтын яам, Монголын ногоон барилгын хүрээлэн хооронд /2023.04.12/ санамж бичиг байгууллаа.
Санамж бичигт уур амьсгалын өөрчлөлтийг сааруулах, хүлэмжийн хийн ялгарлыг бууруулах, тогтвортой, ногоон барилга байгууламжийг үнэлэж гэрчилгээжүүлэх, эрчим хүчний хэмнэлттэй, хүлэмжийн хийн ялгарал багатай барилга, барилгын материалын үйлдвэрлэлийг хөгжүүлэх зорилтууд тусчээ.
Тодруулбал:
Тодруулбал:
- Дэлхийн ногоон барилгын зөвлөлд элсэх, гадаад хамтын ажиллагааг хөгжүүлэх,
- Ногоон барилгын үнэлгээний системийг нутагшуулах, үндэсний тогтолцоог бүрдүүлэхэд дэмжлэг үзүүлэх, харилцан мэдлэг, туршлага солилцох,
- Боловсон хүчний нөөцийг бүрдүүлэх, чадавхийг бэхжүүлэх сургалт, олон нийтэд сурталчилгаа зохион байгуулах замаар хэрэгжүүлэхэд оршино.
БХБЯ Монгол Улсын Их Хурлаас баталсан “Алсын хараа-2050”, “Ногоон хөгжлийн бодлого” зэрэг хөгжлийн бодлого, төлөвлөлтийн баримт бичгүүдэд тусгагдсан зорилтуудыг хэрэгжүүлэх хүрээнд “Барилга, хот байгуулалтын салбарт хүлэмжийн хийн ялгарлыг бууруулах төлөвлөгөө”-г боловсруулан баталж, хэрэгжилтийг хангуулан ажиллаж байна.
Сэтгэгдэл